Dünyaca məşhur basketbol ulduzu Maykl Cordanın idman ayaqqabısı hərracda rekord məbləğə - 2,2 milyon dollara satılıb. Bu haqda xəbəri “Sotheby's” hərrac evinin saytı yayıb.

"Football-plus.az" xəbər verir ki, satışa çıxarılan “Air Jordan 13” idman ayaqqabısı “Yuta”ya qarşı keçirilən MBA finalının 2-ci oyununda “Çikaqo”nun əfsanəsi Cordanın ayağında olub.

2,2 milyon dollar idman ayaqqabılarının satışı ilə bağlı yeni rekorddu. Əvvəlki rekord da Cordana məxsus idi. 2021-ci ildə onun digər ayaqqabıları 1,4 milyon dollara satılmışdı. 60 yaşlı Cordan karyerasını 2003-cü ildə bitirib. O, ikiqat olimpiya və altıqat MBA çempionudu.