Braziliya çempionatında keçirilən 9-cu turun oyunlarından sonra turnir cədvəlində lider dəyişmədi.

"Football-plus.az" xəbər verir ki, buna “Palmeyras” ilə “Flamenqo”nun fərqli nəticələr göstərməsi səbəb oldu.

Son turları maksimum nəticə ilə başa vuran “Palmeyras” çətin səfərə çıxsa da, uğurlu nəticələri davam etdirdi. Gözlənildiyi kimi, tura 3-cü yerdə başlayan “Braqantino” ilə səfər oyunu san paululular üçün çətin keçdi. Buna baxmayaraq, ölkə nəhəngi matçı itkisiz başa vurdu.

Abel Ferreyranın komandası ilk hissəni Qabrielin qolu ilə məğlub başa vurdu. Portuqaliyalı mütəxəssis fasilədən sonrakı əvəzləmələri ilə oyunda dönüş yaratmağı bacardı. San paululular 6 dəqiqəyə məğlubdan qalibə çevrilməyi bacardılar: Murilo ilə Maurisionun vurduğu qollar qonaqların 2:1 hesablı qələbəsini təmin etdi. “Palmeyras” ardıcıl 3-cü qələbə ilə liderliyini möhkəmləndirdi.

Ona görə ki, liderin əsas izləyicisi büdrədi. Son mövsümün bürünc mükafatçısı olan “Flamenqo”nun “Botafoqo” ilə dueli turun mərkəzi oyunu sayılırdı. Son çempion bu mövsümü qeyri-sabit keçirsə də, Rio de Janeyro derbisində əzəli rəqibindən səfərdə xal almaq üçün əlindən gələni etdi. Filipe Luisin çalışdırdığı “Flamenqo” oyun planında “Botafoqo”dan üstün oldu. Lakin son çempion sərt və bəzən də kobud oyunu sayəsində qapısını toxunulmaz saxlaya bildi. “Qarabağ”dan yanvarda transfer edilən Juninyo 60-cı dəqiqədə meydana çıxsa da, qırmızı-qara formada ümidləri yenə doğrulda bilmədi. Derbinin qolsuz nəticələnməsi “Flamenqo”nu lider “Palmeyras”dan 4 xal geri saldı. “Botafoqo” isə 10-cu pilləyə düşdü.

“Braqantino”nun məğlubiyyəti “Kruzeyro”nun işinə yaradı. Evdə “Atletiko Mineyro” ilə qolsuz heç-heçə edən Leonardo Jardimin komandası 3-cü yerə yüksəldi. “Kruzeyro” cədvəldə “Braqantino”nu topların daha yaxşı fərqinə əsasən qabaqlayır.

9-cu tur
Braqantino - Palmeyras 1:2
Qabriel, 24 – Murilo, 72. Maurisio, 78.

Flamenqo - Botafoqo RJ 0:0
Kruzeyro - Atletiko Mineyro 0:0

Juventude – Fluminense 1:1
Batalya, 55 – Erkules, 58.

Seara - Sport Resife 2:0
Munyi, 9. Qaleano, 61.

Bayya - Vitoriya 2:1
Erik Pulqa, 23. Arauxo, 66 – Renato Kayzer, 53.

San Paulu – Qremio 2:1
Arboleda, 49. Andre Silva, 85-p. – Aravena, 37.

Vasku da Qama - Fortaleza 3:0
Nunu Moreyra, 3. Veqetti, 46; 80.

Korintians - Santos 1:0
Yuri Alberto, 66.

İnternasyonal - Mirassol 1:1
Rikardo Matias, 77 - Jemmes, 8.

1. Palmeyras 9 7 1 1 11-4 22
2. Flamenqo 9 5 3 1 17-4 18
3. Kruzeyro 9 5 2 2 13-7 17
4. Braqantino 9 5 2 2 11-8 17
5. Seara 9 4 3 2 11-7 15
6. Bayya 9 4 3 2 9-9 15
7. Fluminense 9 4 2 3 11-11 14
8. Korintians 9 4 1 4 12-14 13
9. Atletiko Mineyro 9 3 4 2 10-10 13
10. Botafoqo RJ 9 3 3 3 10-5 12
11. San Paulu 9 2 6 1 8-7 12
12. Mirassol 9 2 5 2 14-12 11
13. Vasku da Qama 9 3 1 5 10-11 10
14. Fortaleza 9 2 4 3 10-8 10
15. İnternasyonal 9 2 4 3 11-13 10
16. Vitoriya 9 2 3 4 10-13 9
17. Qremio 9 2 3 4 8-14 9
18. Juventude 9 2 2 5 8-21 8
19. Santos 9 1 2 6 7-11 5
20. Sport Resife 9 0 2 7 4-16 2

Bombardirlər: De Arraskaeta (Flamenqo), Veqetti (Vasku da Qama) - 7, Yuri Alberto (Korintians), Kayo Jorje (Kruzeyro) - 5, Pedro (Flamenqo), Reynaldo (Mirassol), Pedro Raul (Seara) - 4.