Argentina çempionatında 13-cü turdan sonra 4 komanda 1/8 finala vəsiqəni təmin etmişdi.

"Football-plus.az" xəbər verir ki, 14-cü turda qeydə alınan nəticələr daha 4 komandanın pley-offa çıxmasına şərait yaratdı. Artıq həm A, həm də B qrupunda 4 iştirakçı qrup mərhələsinin sonuna 2 tur qalmış azarkeşlərini erkən sevindirib.

A qrupunda əvvəlki turda 1/8 finala vəsiqə də qazanan “Boka Xuniors” uğurlu çıxışını “Estudiantes”ə evdə iki cavabsız qolla qalib gəlməklə davam etdirdi. Fernando Qaqonun komandası ardıcıl 3-cü qələbə ilə 1-ci yerdəki mövqeyini möhkəmləndirdi.

Tura hərəyə 25 xalla 2-3-cü yerləri bölüşməklə başlayan komandalar fərqli nəticələr göstərdilər. “Defensa y Xustisiya” ilə heç-heçə oynayan “Atletiko Urakan” 3-cü yerə düşdü. Ona görə ki, “Arxentinos Xuniors” evdə “Barrakas Sentral”ı 3:0 hesabıyla məğlub etməklə bir pillə irəlilədi. “Tiqre” isə “Belqrano” ilə qolsuz “sülh”ə razılaşmaqla 4-cü pillədəki yerini qorudu. “Arxentinos Xuniors”, “Atletiko Urakan” və “Tiqre” 1/8 finalda iştirakını təmin etdi.

B qrupunda əvvəlki turdan sonra “İndependyente”, “Rosario Sentral” və “San Lorenso” pley-offa vəsiqə qazanmışdı. Bu tur “İndependyente”nin “Atletiko Tukuman” ilə səfər oyunu təxirə salındı. Bundan isə liderin əsas izləyicisi maksimum yararlandı. “İnstituto”nu 3:0 hesabıyla məğlub edən “Rosario Sentral” liderliyi ələ aldı, “İndependyente” isə 2-ci yerə düşdü.

Ötən tur azarkeşlərini sevindirən “San Lorenso” isə “Deportivo Riestra” ilə qolsuz bitən matçdan sonra 3-cü yerdə qaldı.

Nəhayət, “River Pleyt” qələbə qazana bildi. Ardıcıl 4 oyunu heç-heçə başa vuran ölkə nəhəngi səfərdə “Ximnasiya”nın qapısından 3 cavabsız top keçirdi. Marselo Qalyardonun komandası qrupda liderdən 4 xal geri qalmaqla 4-cü yerdəki mövqeyini qorudu. Və ən əsası, əsas izləyicisi “Deportivo Riestra”nın iki xal itirməsinə görə pley-offa vəsiqə qazandı.

B qrupunda yarışan “Veles Sarsfild” qeyri-sabit çıxışını davam etdirir. Argentinanın son çempionu səfərdə ötən mövsümün gümüş mükafatçısı olan “Talyeres de Kordoba”dan maksimum xal aldı. Marselo Bravonun komandası minimalhesablı qələbə ilə 13-cü yerə yüksəldi. “Veles” hələ ki pley-offa çıxmaq şansını qoruyur. Amma bu şansın cüzi olduğunu da vurğulayaq.

qrup mərhələsi, 14-cü tur
Boka Xuniors - Estudiantes 2:0
K.Palasios, 48. Merentyel, 63.

Atletiko Urakan - Defensa y Xustisiya 1:1
Leskano, 60 – L.Ferreyra, 33.

Arxentinos Xuniors - Barrakas Sentral 3:0
Molina, 31. Xappert, 42-öz qapısına. X.Errera, 47.

Tiqre - Belqrano 0:0

Rasinq - Sentral Kordoba 1:0
Sukulini, 5.

Rosario Sentral - İnstituto 3:0
Lopes Qrobin, 8. Duarte, 68. Kopetti, 90+4.

Deportivo Riestra - San Lorenso 0:0

Ximnasiya - River Pleyt 0:3
Driussi, 35. Mastantuono, 54. Alyendro, 82.

Talyeres de Kordoba - Veles Sarsfild 0:1
Karriso, 48.

Lanus - Banfild 1:1
Salvio, 27-p. – Rivera, 76.

Union - Nyuellz Old Boyz 1:1
Qamba, 11 – K.Qonsales, 16.

San Martin San Xuan - Qodoy Krus 1:0
Tolosa, 33.

Sarmyento - Platense 0:1
Maynero, 54.

İndependyente Rivadaviya – Aldosivi 1:0
S.Vilya, 30-p.

“Atletiko Tukuman” – “İndependyente” oyunu təxirə salınıb.

A qrupu
1. Boka Xuniors 14 10 2 2 22-8 32
2. Arxentinos Xuniors 14 8 5 1 19-8 29
3. Atletiko Urakan 14 7 6 1 19-9 27
4. Tiqre 14 8 1 5 17-11 25
5. Rasinq 14 7 1 6 23-15 22
6. İndependyente Rivadaviya 14 5 6 3 15-14 21
7. Estudiantes 14 5 5 4 18-15 20
8. Barrakas Sentral 14 5 5 4 17-17 20
9. Defensa y Xustisiya 14 5 4 5 15-17 19
10. Sentral Kordoba 14 5 3 6 19-17 18
11. Nyuellz Old Boyz 14 4 4 6 10-14 16
12. Belqrano 14 3 6 5 11-21 15
13. Union 14 3 4 7 9-14 13
14. Banfild 14 2 5 7 10-16 11
15. Aldosivi 14 2 3 9 13-27 9

B qrupu
1. Rosario Sentral 14 8 5 1 20-8 29
2. İndependyente 13 8 4 1 23-9 28
3. San Lorenso 14 7 5 2 13-8 26
4. River Pleyt 14 6 7 1 15-7 25
5. Deportivo Riestra 14 4 8 2 10-7 20
6. Platense 14 5 5 4 11-9 20
7. Lanus 14 3 8 3 12-10 17
8. İnstituto 14 4 2 8 13-18 14
9. Qodoy Krus (-3) 14 2 8 4 7-15 14
10. Talyeres de Kordoba 14 2 7 5 9-11 13
11. Sarmyento 14 2 7 5 9-17 13
12. Ximnasiya 14 3 4 7 8-17 13
13. Veles Sarsfild 14 3 2 9 5-18 11
14. Atletiko Tukuman 13 3 1 9 14-20 10
15. San Martin San Xuan 14 2 3 9 5-14 9

Bombardirlər: A.Martines (Rasinq) - 9, Avalos (İndependyente) - 8, Vomberqar (San Lorenso) - 7, N.Fernandes (Belqrano), Molina (Arxentinos Xuniors) - 6.