Argentina çempionatının Apertura adlanan ilk mərhələsi sona yaxınlaşır. Artıq pley-off da start götürüb.

"Football-plus.az" xəbər verir ki, qrup mərhələsinin 15-ci turundan sonra 14 komanda 1/8 finala vəsiqəni təmin etmişdi. Sonuncu turda qeydə alınan nəticələr daha 2 komandanın pley-offa çıxmasına şərait yaratdı.

A qrupunda 15-ci turda əzəli rəqibi “River Pleyt”ə səfər oyununda uduzan (1:2) “Boka Xuniors”da baş məşqçi dəyişikliyi zəruri sayılıb: rəhbərlik ötən ilin oktyabrında müqavilə bağladığı Fernando Qaqonu istefaya göndərib. Komandanı “Tiqre” ilə oyuna 39 yaşlı mütəxəssisin yerinə təyinat alan Mariano Erron çıxardı. Ölkə nəhəngi səfər matçında 1:1 hesablı heç-heçəyə razılaşdı. “Boka Xuniors” bu nəticə ilə 1-ci yerdəki mövqeyini itirdi. Ona görə ki, sonuncu tura 2-ci yerdə başlayan “Arxentinos Xuniors” evdə “Estudiantes” 4:0 hesabıyla darmadağın etdi. Nikolas Diesin komandası “Boka”ı topların daha yaxşı fərqinə əsasən qabaqlayaraq 1-ci yerə yüksəldi. Bu qrupda pley-offa sonuncu vəsiqənin sahibi “Estudiantes” oldu.

B qrupunda “İndependyente”yə 1:0 hesabıyla qalib gələn “Rosario Sentral” liderliyini qorudu. “River Pleyt” qrupu 2-ci yerdə başa vurdu. Marselo Qalyardonun komandası sonuncu turda “Veles Sarsfild”i 4:1 hesabıyla darmadağın etdi. Nəticə heç də təəccüb doğurmadı. Mövsümü qeyri-sabit keçirən Argentinanın son çempionunun “River”dən xal almaq şansı praktiki olaraq 0-a bərabər idi. Nəticədə “Veles” pley-offa çıxa bilmədi! B qrupundan 1/8 finala adlayan sonuncu komandanın “İnstituto” olduğunu da qeyd edək.

İlk pley-off matçlarının nəticəsi böyük ölçüdə gözlənildiyi kimi oldu. İmkanları yüksək dəyərləndirilən “San Lorenso”, “Rosario Sentral”, “Boka Xuniors”, “Arxentinos Xuniors”, “Atletiko Urakan”, “River Pleyt” və “İndependyente” 1/4 finala çıxdılar. Proqnozları doğrulda bilməyən yeganə komanda isə evdə “Platense”yə uduzan (0:1) “Rasinq” oldu.

qrup mərhələsi, 16-cı tur
Tiqre - Boka Xuniors 1:1
Skipioni, 45+3 – Senon, 21.

Arxentinos Xuniors - Estudiantes 4:0
Molina, 26; 27. Leskano, 60. X.Errera, 65.

Atletiko Urakan - Barrakas Sentral 0:1
Xappert, 49.

Rasinq - Nyuellz Old Boyz 1:0
Salsedo, 88-öz qapısına.

İndependyente Rivadaviya - Defensa y Xustisiya 3:2
L.Qomes, 18. Sartori, 71. Kardilyo, 82 – S.Peres, 32. Tonyi, 44.

Rosario Sentral - İndependyente 1:0
Spörle, 20-öz qapısına.

River Pleyt - Veles Sarsfild 4:1
Driussi, 14. Kolidio, 28. İ.Fernandes, 33. Borxa, 90+10-p. - Karriso, 37.

Sarmyento - San Lorenso 1:1
Vomberqar, 36-öz qapısına – Molina, 87-öz qapısına.

Ximnasiya – Platense 1:0
Qarayalde, 90+2.

Banfild - Sentral Kordoba 3:1
Rio, 1; 35. Aturia, 63 – Veron, 77.

Union - Belqrano 1:1
Qamba, 38 – N.Fernandes, 1.

Deportivo Riestra - Qodoy Krus 3:0
Alonso, 36. Selis, 62. Gilye, 83.

Talyeres de Kordoba - İnstituto 1:2
Qalarsa, 13 – Luna, 43. Puebla, 80.

Atletiko Tukuman - Lanus 1:0
Nikola, 90+2.

San Martin San Xuan - Aldosivi 0:3
Presyado, 38. E.Torres, 90+6; 90+9.

A qrupu
Yekun cədvəl
1. Arxentinos Xuniors 16 9 6 1 24-9 33
2. Boka Xuniors 16 10 3 3 24-11 33
3. Rasinq 16 9 1 6 26-16 28
4. Atletiko Urakan 16 7 6 3 19-12 27
5. Tiqre 16 8 3 5 18-12 27
6. İndependyente Rivadaviya 16 7 6 3 20-17 27
7. Barrakas Sentral 16 7 5 4 20-18 26
8. Estudiantes 16 5 6 5 18-19 21
9. Nyuellz Old Boyz 16 5 4 7 12-15 19
10. Defensa y Xustisiya 16 5 4 7 18-22 19
11. Sentral Kordoba 16 5 3 8 21-22 18
12. Belqrano 16 3 8 5 13-23 17
13. Aldosivi 16 4 3 9 18-28 15
14. Banfild 16 3 5 8 14-19 14
15. Union 16 3 5 8 11-17 14

B qrupu
Yekun cədvəl
1. Rosario Sentral 16 10 5 1 22-8 35
2. River Pleyt 16 8 7 1 21-9 31
3. İndependyente 16 8 5 3 23-12 29
4. San Lorenso 16 7 6 3 14-10 27
5. Deportivo Riestra 16 5 9 2 13-7 24
6. Platense 16 6 5 5 13-11 23
7. Lanus 16 4 8 4 13-11 20
8. İnstituto 16 5 3 8 16-20 18
9. Qodoy Krus (-3) 16 3 8 5 8-18 17
10. Atletiko Tukuman 16 5 1 10 17-21 16
11. Ximnasiya 16 4 4 8 9-18 16
12. Sarmyento 16 2 9 5 11-19 15
13. Veles Sarsfild 16 4 2 10 7-22 14
14. Talyeres de Kordoba 16 2 7 7 11-15 13
15. San Martin San Xuan 16 2 3 11 5-18 9

Bombardirlər: A.Martines (Rasinq) - 9, Avalos (İndependyente), N.Fernandes (Belqrano), Molina (Arxentinos Xuniors) - 8, Vomberqar (San Lorenso) - 7.

1/8 final
San Lorenso Tiqre 2:1
Vomberqar, 4. Koelyo, 89 – Fertoli, 49.

Rosario Sentral – Estudiantes 2:0
Kintana, 88. Kampas, 90+5.

Rasinq Platense 0:1
Orsini, 84.

Boka Xuniors - Lanus 0:0, p. – 4:2

Arxentinos Xuniors – İnstituto 3:1
Molina, 61. X.Errera, 64. İ.Sosa, 89 – Rekuena, 71.

Atletiko Urakan - Deportivo Riestra 3:2
E.Ramires, 45+2; 69. Sansotre, 78-öz qapısına – Alonso, 59. Beneqas, 82.

River Pleyt - Barrakas Sentral 3:0
P.Dias, 12. İ.Fernandes, 43. Akunya, 88.

İndependyente - İndependyente Rivadaviya 1:0
Montyel, 57.

Mayın 18-20-si aralığında keçiriləcək 1/4 finalda cütlər belə formalaşıb: Rosario Sentral - Atletiko Urakan, Arxentinos Xuniors - San Lorenso, Boka Xuniors – İndependyente, River Pleyt – Platense.