Məlum olduğu kimi ''Qalatasaray'' 14 ildən sonra Fernando Muslera ilə vidalaşmağa hazırlaşır. Həftəsonu ''İstanbul BŞ'' ilə ev oyununda ünlü uruqvaylı qapıçı fanatlarla vidalaşacaq.

Uzun illərdi, kapitan sarğısını da daşıyan Musleranın ayrılması ilə ortaya yeni sual çıxır. Yeni mövsümdə komandanın birinci və digər kapitanları kim olacaq?

Türkiyə mətbuatının yazdığına inansaq, artıq bu məsələ yoluna qoyulub. Mauro İkardi birinci kapitan statusunu icra edəcək. Həm yay hazırlıq dönəmindəki matçlarda, həm də yeni mövsümdə kapitan sarğısını argentinalı ulduz taxacaq. İkinci kapitan funksiyasını Əbdülkərim Bardakcı icra edəcək. İkardinin olmadığı oyunlarda sarğını təcrübəli müdafiəçi taxacaq.

Həm İkardi, həm də Əbdülkərim olmadığı zaman isə Kaan Ayhan kapitan olacaq. Yəni o, 3-cü kapitan funksiyasını icra edəcək. Ayhan ''Qalatasaray''ın ''Göztəpə''yə qarşı keçirdiyi son oyunda da kapitan kimi meydana çıxmış və cərimə zərbəsindən əla qol vurmuşdu.