A seriyasının 37-ci turundan sonra da çempionluq yarışında intriqa davam etdi. Səbəb həm “Napoli”, həm də “İnter”in iki xal itirməsi ilə bağlı oldu.

Nəticədə skudettoya iddiaçılar arasındakı minimal xal fərqi qorundu. Deməli, çempion sonuncu turda məlum olacaq!

“Napoli” üçün “Parma” ilə səfər oyununun asan keçməyəcəyi məlum idi. Meydan sahibləri A seriyasındakı yerini qorumaq üçün ən pis halda bir xala ehtiyac duyurdular. Kristian Kivunun komandası uduzmamaq üçün əlindən gələni etdi və sonda istəyinə çatdı.

Antonio Kontenin komandasının bəxtindən, skudettoya digər iddiaçı da turu xal itkisi ilə başa vurdu. “İnter” “Latsio” ilə ev oyununda iki dəfə hesabda önə keçsə də, sonda heç-heçəyə razılaşmalı oldu. Rəqib Çempionlar Liqasına (ÇL) vəsiqə üçün son şanslarından yararlanmağa çalışmaqla milanlıların liderliyi ələ keçirməsinə imkan vermədi. Beləliklə, Simone İnzaqinin komandasının bir neçə gündən sonra çempion titulunu itirmək təhlükəsi daha da artdı.

Turun mərkəzi oyunlarından biri paytaxtda baş tutdu. Yerli “Roma” ÇL-ə vəsiqə şansını davam etdirmək üçün “Milan”a qalib gəlməli idi. Klaudio Ranyerinin komandası Santyaqo Ximenesin 21-ci dəqiqədə qırmızı vərəqə almasından da yararlanmaqla 3:1 hesablı qələbə qazandı. Məğlubiyyət “Milan”ı Avropadan kənarda qoydu: İtaliyanın ən titullu 2-ci komandası 2019-cu ildən sonra ilk dəfə qitə kuboklarında oynamayacaq!

37-ci tur
Cenoa – Atalanta 2:3
Pinamonti, 37; 58 – Sulemana, 47. Maldini, 63. Retegi, 89. (31929)
Atalanta: Patrisio, De Roon, Hin, Kossunu, Rucceri (Bellanova, 56), Palestra (Zappakosta, 74), Breşianini (Paşaliç, 74), Sulemana (Ederson, 81), Samarciç, Maldini (De Ketelare, 74), Retegi.

Parma – Napoli 0:0
(51250).
Napoli: Meret, Olivera, Rrahmani, Di Lorentso, Spinatsola (Matsokki, 86), Zambo Angissa, Gilmor (Billinq, 69), Maktominey, Politano (Nqonq, 80), Raspadori (Neres, 69), Lukaku (Simeone, 80).

İnter – Latsio 2:2
Bissek, 45+2. Dyumfris, 79 – Pedro, 72; 90-p. (60200)
İnter: Zommer, Bissek, Açerbi, Bastoni (Zalevski, 90+1), Dimarko (Auqusto, 69), Dyumfris, Barella, Mxitaryan (Zyelinski, 61), Çalhanoğlu (Arnautoviç, 90+1), Taremi (Korrea, 56), Türam.
Latsio: Mandas, Tavareş (Hüsay, 65), Xila (Jiqo, 90+7), Romanyoli, Maruşiç, Rovella, Vesino, Genduzi, Dia, İsaksen (Pedro, 53), Kastelyanos.

Yuventus – Udineze 2:0
Qonsales, 61. Vlahoviç, 88. (24990)
Yuventus: Di Qreqorio, Veyqa, Kelli, Koşta, Kambyaso (Vea, 73), Lokatelli, Makkenni (Duqlas Luis, 81), Konseysao (Mbanqula, 90+2), Yıldız (Aciç, 90+2), Qonsales, Kolo Muani (Vlahoviç, 73).

Roma – Milan 3:1
Mançini, 3. Paredes, 58. Kristante, 87 – Feliş, 39. (74283)
Roma: Svilar, Çelik, Ndika, Mançini, Anxelinyo, Kone, Paredes (Rensx, 78), Kristante, Salemakers (Baldantsi, 84), Sule (Qurna Duat, 78), Şomurodov (Əl-Şaaravi, 84).
Milan: Menyan, Tomori, Qabbya (Sottil, 84), Pavloviç, A.Ximenes (Fofana, 65), Musa, Reynders, Loftus-Çik (Yoviç, 64), Feliş (Leao, 66), Pulişiç (F.Terraçano, 90), S.Ximenes.

Fiorentina – Bolonya 3:2
Parizi, 13. Riçardson, 67. Ken, 84 – Dallinqa, 61. Orsolini, 79. (27970)
Fiorentina: De Xea, Komutso (Ponqraçiç, 39/ Kolpani, 87), Mari, Ranyeri, Parizi, Mandraqora, Riçardson, Dodo, Facoli (Ndur, 90+1), Qosens, Ken.
Bolonya: Skorupski, Miranda, Lukumi, Kazale, Kalabriya (Moro, 80), Fröyler (Holm, 80), Ferqyuson, Kambyaqi (Dominges, 56), Fabbian (Orsolini, 56), Ndoy, Kastro (Dallinqa, 46).

Kalyari – Venetsiya 3:0
Mina, 11. Pikkoli, 41. Deyola, 71. (9713)

Verona - Komo 1:1
Lazoviç, 69 Kakre, 29. (10470)

Montsa – Empoli 1:3
Birindelli, 30 - Kolombo, 49. Viti, 51. Pitsinyakko, 59-öz qapısına. (18376)

Leççe – Torino 1:0
Ramadani, 46. (24277)

1. Napoli 37 23 10 4 57-27 79
2. İnter 37 23 9 5 77-35 78
3. Atalanta 37 22 8 7 76-34 74
4. Yuventus 37 17 16 4 55-33 67
5. Roma 37 19 9 9 54-35 66
6. Latsio 37 18 11 8 61-48 65
7. Fiorentina 37 18 8 11 57-39 62
8. Bolonya 37 16 14 7 56-44 62
9. Milan 37 17 9 11 59-43 60
10. Komo 37 13 10 14 49-50 49
11. Torino 37 10 14 13 39-43 44
12. Udineze 37 12 8 17 39-53 44
13. Cenoa 37 9 13 15 34-48 40
14. Kalyari 37 9 9 19 40-54 36
15. Verona 37 9 7 21 32-65 34
16. Parma 37 6 15 16 41-56 33
17. Leççe 37 7 10 20 26-58 31
18. Empoli 37 6 13 18 32-57 31
19. Venetsiya 37 5 14 18 30-53 29
20. Montsa 37 3 9 25 28-67 18

Bombardirlər: Retegi (Atalanta) - 25, Ken (Fiorentina) - 18, Lukman (Atalanta) - 15, M.Türam (İnter), Orsolini (Bolonya) - 14.

Turun rəqəmi
25 - “Atalanta”ya “Cenoa” üzərində qələbəni Retegi bəxş etdi. O, bu mövsüm çempionatda 25-ci qolunu vurmaqla bombardirlərin siyahısında liderliyini bir qədər də möhkəmləndirdi. Mateo “Atalanta”da A seriyasının 1996/97 mövsümündə 24 dəfə qapıya yol tapan Filippo İnzaqinin rekordunu yenilədi. 25 yaşlı hücumçunun mövsüm ərzində qara-göy formada meydana çıxdığı 48 matçda 28 qol vurub 8 məhsuldar ötürmə verdiyini da qeyd edək.

Turun ulduzu
Pedro Rodriges (Latsio) - 53-cü dəqiqədə meydana çıxan veteran futbolçu komandasına çətin səfər oyununda xal qazandırdı. Əvvəlcə Vesinonun ötürməsi ilə hesabı bərabərləşdirən Pedro son dəqiqələrdə penalti ilə “İnter”i qələbədən etdi. 37 yaşlı ispaniyalının bu mövsüm A seriyasında 29 oyuna 10 qol vurduğunu da qeyd edək.

Turun sitatı
Antonio Konte, “Napoli”nin baş məşqçisi: