2-ci liqada 2024/25 mövsümünün mükafatlandırma mərasimi keçirilib. Binə qəsəbə stadionunda keçirilən mərasimdə qızıl, gümüş və bürünc mükafatçılar təltif olunub, qalibə kubok təqdim edilib.

Həmçinin “Şəmkir”in hücumçusu Vidadi Cəfərov 31 qolla mövsümün bombardiri olub. Ona da xüsusi mükafat verilib. Mükafatları Peşəkar Futbol Liqasının texniki-idman direktoru Elgiz Abbasov, AFFA-nın vitse-prezidenti Könül Mehdiyeva, Futbolun İnkişafı Fondunun icraçı direktoru Tural Piriyev təqdim edib.

Xatırladaq ki, 2-ci liqanın qalibi "Şahdağ Qusar", gümüş mükafatçısı "Şəfa", bürünc mükafatçısı "Şimal" olub.

Bu arada 2-ci liqada “Ayın qolu” layihəsinin qalibi - “Füzuli”nin üzvü Elgün Abbaslı mükafatlandırılıb. Aprelin ən yaxşı qolunun müəllifinə mükafat 26-cı turun “Lerik”lə oyunundan əvvəl təqdim olunub. Ona mükafatı PFL-in Yarışların təşkili və qeydiyyatı şöbəsinin müdiri Elçin Mehtiyev təqdim edib.