Luka Modriçin “Real”da daha bir mövsüm qalmaq şansı var.

Tezliklə komandanın başına keçəcək Xabi Alonso Klublararası Dünya Çempionatında onun xidmətindən yaralanmağı planlaşdırıb. “Marca”nın xəbərinə görə, ispaniyalı mütəxəssis ilk növbədə məhz Modriçi heyətdə saxlamaq istəyir.

Sentyabrda 40 yaşı tamam olacaq xorvat yarımmüdafiəçinin müqaviləsinin müddəti iyunda başa çatacaq. Rəhbərlik onun yaşının çox olması səbəbindən müqaviləni yeniləməmək qərarına gəlib.

Alonso isə klubun qərarını dəyişməsini və keçmiş komanda yoldaşına yeni - birillik müqavilə təklif etməsini istəyib. Futbolçunun özü isə 2026-cı ildə keçiriləcək dünya çempionatından sonra karyerasını “Real”da başa vurmağı arzulayır. O, Madriddə qalmaq üçün maaşını əhəmiyyətli dərəcədə azalmasına da hazırdı. Alonso ümid edir ki, rəhbərlik onun fikrini dinləyəcək və Modriçlə müqavilənin gələn ilin iyun ayına qədər davam etdirilməsi ilə razılaşacaq.

Modriç “Real”da 2012-ci ildən çıxış edir. O, bu mövsüm komandada 55 oyuna 4 qol vurub və 9 məhsuldar ötürmə edib.