Luka Modriç son vaxtlar karyerasını “Real”da başa vurmaq və bu klubda daha uzun müddət oynamaq istəyini dəfələrlə dilə gətirib. Təcrübəli futbolçu arzusuna çatmağa yaxındı.

"Football-plus.az" xəbər verir ki, bu baradə Nikola Skira məlumat yayıb.

Tanınmış insayder Modriçin daha bir mövsüm “Real”da çıxış edə biləcəyini xəbər verib. O, Madrid klubunun 39 yaşlı yarımmüdafiəçiyə daha birillik müqavilə təklif etməyə hazır olduğunu bildirib. Lukanın hazırkı müqaviləsi bu ilin iyununda qüvvədən düşəcək.

Qeyd etdiyimiz kimi, xorvatiyalı futboloçu da İspaniya klubunda daha bir mövsüm oynamaq istəyir. O, DÇ-2026-dan əvvəl yaxşı formada olmaq üçün “Real”dakı çıxışını davam etdirməyi zəruri sayır.

Sentyabrın 9-da 40 yaşı tamam olacaq Modriç “Real”da 2012-ci ildən çıxış edir. O, bu mövsüm komandada 38 oyuna 3 qol vurub və 6 məhsuldar ötürmə verib.