Luka Modriç gələcək karyerası ilə bağlı qərara gəlib. “Real”ın yarımmüdafiəçisi mövsümün sonunda karyerasını başa vurmaq fikrində deyil.

İspaniya mənbələrinin məlumatına görə, xorvatiyalı futbolçu klub üçün əhəmiyyətini sübut etmək və müddəti 2025-ci ilin yayında başa çatacaq müqaviləsini bir daha yeniləmək niyyətindədi. O, 2026-cı ildə keçiriləcək dünya çempionatına qədər “Real”ın futbolçusu kimi qalmaq istəyir.

Modriç İspaniya klubunda 2012-ci ildən oynayır. 39 yaşlı futbolçu bu mövsüm bütün turnirlərdə 12 matçda iştirak edib və 2 məhsuldar ötürmə edib.