Luka Modriçin “Real”dakı aqibəti hələ tam müəyyənləşməyib.

Buna baxmayaraq, onun komandada qalmaq istədiyi məlum olub Təcrübəli yarımmüdafiəçinin klubla müqaviləsini yeniləmək istədiyi haqda Fabritsio Romano məlumat yayıb.

Tanınmış insayderin yaydığı xəbərə görə, xorvatiyalı futbolçu “Real”da daha bir mövsüm qalmaq, başqa sözlə müqaviləsinin müddətini 2026-cı ilin yayına qədər uzatmaq istəyir. 

Sentyabrın 9-da 40 yaşı tamam olacaq Modriç İspaniya klubunda 2012-ci ildən çıxış edir.

O, cari mövsümdə bütün turnirlər daxil olmaqla 44 oyun keçirib, 4 qol vurub və 7 məhsuldar ötürmə verib.