Portuqaliya çempionatında gərgin mövsüm və çempionluq mübarizəsi ''Sportinq''in qələbəsi ilə başa çatdı.

''Football-plus.az'' xəbər verir ki, son tura Lissabonun hər iki nəhəngi - ''Sportinq'' ilə ''Benfika'' eyni xalda daxil olmuşdu. Amma üstünlük ''Sportinq''in tərəfində idi. Çünki bu komanda şəxsi oyunlarda üstün idi (evdə 1:0, səfərdə 1:1).

Çempion olmaq üçün ''Sportinq''ə evdə ''Gimaraynş''ı yemək kifayət edirdi və komanda bu vəzifənin öhdəsindən əla gəldi. Avrokuboklara vəsiqə uğrunda mübarizə aparan ''Gimaraynş'' ilk yarıda qapısını toxunulmaz saxlamağı bacarsa da, ikinci hissədə iki top buraxdı.

Beləliklə, ''Sportinq'' 2:0-lıq qələbə ilə ardıcıl 2-ci tarixinin 21-ci çempionluğunu qazandı. Paralel keçən oyunda isə ''Benfika'' heç minimum hədəfin də öhdəsindən gələ bilmədi. ''Qartallar'' səfərdə ''Braqa'' ilə 1:1 bərabərə qaldılar. Özü də rəqib 66-cı dəqiqədən azlıqda oynamaq məcburiyyətində qalmışdı. Kərəm Aktürkoğlu bu qarşılaşmada ümidləri doğrultmayaraq artıq 60-cı dəqiqədə əvəzləndi.

Beləliklə, Türkiyə yığmasının ulduzu Portuqaliyada ilk mövsümündə çempion ola bilmədi. Amma ümumilikdə mövsümü Kərəmin aktivinə yazmaq olar. O, 48 rəsmi qarşılaşmada 16 qol, 12 məhsuldar ötürməlik performansla 28 qolun vurulmasında yaxından iştirak etdi. Çempion ola bilməsə də, o, ilk mövsümü iki titulla tamamlaya bilər. ''Benfika'' artıq liqa kubokunu qazanıb və mayın 25-də ''Sportinq''lə kubokun finalında qarşılaşacaq. 26 yaşlı futbolçu dünənki qarşılaşmanın ardından sosial şəbəkədə paylaşım edərək bunları yazdı:

Kərəm ''Braqa''ya qarşı son matçda zəif təsir bağışlaması üzündən həm yerli mətbuat, həm də fanatlar tərəfindən tənqid atəşinə tutulub.

Ancaq sosial şəbəkələrdə onun tərəfini tutan fanatlar da az deyil. Bir çox ''Benfika''lı Kərəmin bu mövsüm Pavlidis ilə birlikdə komandanın ən yaxşı futbolçusu oluğunu iddia edib.