Aktürkoğlu Portuqaliyada rəqiblərin canına vəlvələ salıb
Həftəsonu Portuqaliya çempionatının 15-ci turunda ''Benfika'' səfərdə ''Aveş'' ilə qarşılaşacaq.
Bu oyundan öncə ''Aveş''in təcrübəli futbolçusu Lukas Piazon diqqətçəkən açıqlama verib. O, ''Benfika''da ən çox çəkindiyi isimlərin arasında Kərəm Aktürkoğlunun da adını çəkib. Daha öncə ''Çelsi'', ''Malaqa'', ''Ayntraxt'', ''Redinq'', ''Fulhem'', ''Braqa'', ''Botafoqo''da top qovan və ''Aveş''də ilk mövsümünü keçirən 30 yaşlı Piazon bunları deyib:
''Benfika''dan 2 futbolçunu heyətdən çıxarmaq fürsətim olsaydı, bu, Di Mariya ilə Kərəm Aktürkoğlu olardı. Di Maria universaldı və meydanda hər şey edir. Həm yaradacılığı, həm bitiriciliyi, həm asmaları, həm də son ötürmələri var. Türkiyəli Kərəm Aktürkoğlu da sürətlidi. Onun da bitiriciliyi yüksək səviyyədədi''.
Qeyd edək ki, 26 yaşlı Kərəm ən son Çempionlar Liqasında ''Bolonya'' ilə oyunda (0:0) start heyətində meydana çıxdı və 72 dəqiqə oyunda qaldı. Böyük üstünlüyə baxmayaraq Lissabon nəhəngi rəqib müdafiəsini yara bilmədi. 26 yaşlı Aktürkoğlu ''Benfika''da 16 rəsmi oyunda 10 qol, 4 məhsuldar ötürmə ilə fərqlənib.
ƏLİ
