''Qalatasaray''dan ''Benfika''ya keçdikdən sonra adından tez-tez söz etdirməyi bacaran Kərəm Aktürkoğlu Portuqaliya karyerasında növbəti önəmli qolunu vurub.

Portuqaliya çempionatının 13-cü turunda ''Benfika'' ''Gimaraynş''ı qəbul etdi. Lissabon nəhəngi türkiyəli ulduzun vurduğu qol sayəsində 1:0 hesabı ilə üstün oldu. Kərəm 29-cu dəqiqədə Pavlidisin ötürməsindən sonra topu saxlamadan yaxın küncü dəqiq nişan aldı. ''Benfika''da top qovan Türkiyə yığmasının digər üzvü Orkun Kökçü isə sarı vərəqə limitini doldurduğundan bu oyunu buraxmalı oldu.

''Benfika'' xalını 31-ə yüksəltdi və Ruben Amorimin ayrılmasından sonra keçirdiyi hər iki oyunda uduzan lider ''Sportinq''lə xal fərqini 2-yə endirdi. Kərəm ''Benfika''nın heyətində 15-ci rəsmi oyunda 10-cu qolunu vurdu. Onun aktivində həm də 4 məhsuldar ötürmə var.

ƏLİ