Son Hın Min vətənində şantaja məruz qalıb. Artıq koreyalı futbolçunu şantaj edənlər həbs cəzasına məhkum olunub.

"Football-plus.az" xəbər verir ki, “Tottenhem”in təcrübəli futbolçusunu iki nəfər şantaj edib.

Böyük Britaniya mənbələrinin məlumatına görə, Koreya polisi təxminən 25-30 yaşında olan qadını və 40 yaşlı kişini həbs edib. Həmin qadın futbolçudan hamilə qaldığını iddia edərək ondan pul qoparmağa çalışıb. Martda bir kişi Sona yaxınlaşıb və ondan pul tələb edib.

Futbolçuya bildirilib ki, pulu ödəməkdən imtina edərsə, hamiləlik iddiası ictimaiyyətə açıqlanacaq. 32 yaşlı Hın Min belə vəziyyətdə şantajçılarla bağlı polisə ərizə verməyi lazım bilib.

Son London klubunun formasını 2015-ci ildən geyir. Onun 2010-cu ildən Koreya yığmasında çıxış etdiyini də xatırladaq.