Pol Poqbanın düşdüyü vəziyyət polisi onu mühafizə altına almağa vadar edib.

“Yuventus”un yarımmüdafiəçisi qardaşı Matia və uşaqlıq dostlarının şantajına məruz qaldığı üçün Turin şəhər polisi Polu qorumağı zəruri sayıb. Xatırladaq ki, məşhur futbolçu bir neçə həftə əvvəl şantajla üzləşdiyini, mütəşəkkil cinayətkar qrupun ondan bu yolla 13 milyon avro qoparmağa çalışdığını bəyan etmişdi.

Artıq Fransa polisi Matianı saxlayıb. Ona şantaj yolu ilə cinayətə əl atmaqla bağlı ittiham irəli sürülüb. 27-36 yaş aralığında olan digər 4 şəxs də saxanılıb. Onlar məhkəməyə qədər azadlıqdan məhrum ediliblər.