''Çox məmnunam. Yeni format ümidlərimimizi doğrultdu və turnirə marağı bir qədər də artırdı. Futbolu sevən və bu oyunu dərindən anlayan hər kəsin bu mövsümün möhtəşəm alındığını düşündüyünü bilirəm. Həqiqətən də inanılmaz oyunlar izlədik. Xüsusilə də əsas mərhələnin son turu çox böyük intriqalara və həyəcana səhnə oldu. Bəzi böyük klublar mübarizəni dayandırmaq təhlükəsi ilə üz-üzə qaldı. Məsələn, hazırda finalın biraddımlığında olan PSJ əsas mərhələdə daha 1-2 oyunda büdrəsəydi, heç pley-offa da vəsiqə qazana bilməyəcəkdi. Yəni hər mənada gözəl mövsüm oldu. Hər şeyi tənqid etməyi sevən insanların belə bu mövsümün əla keçdiyinin fərqinə vardığını düşünürəm. Ancaq bu reallığı qəbul edib-etməmələri artıq başqa söhbətin mövzusudu''.