Çempionşipdə 46-cı turun oyunları keçirildi və mövsümə yekun vuruldu.

Türkiyəli şoumen Acun Ilıcalının sahibi olduğu ''Hall Siti'' ciddi şəkildə 3-cü diviziona yuvarlanmaq təhlükəsi ilə üz-üzə qalmışdı. Son tura düşmə zonasında daxil olan ''pələnglər'' ''Portsmut''un qonağı oldular.

Qonaqlar fasiləyə minimal üstünlüklə yollansalar da, qələbə hesabını qoruya bilmədilər. ''Portsmut'' İkinci hissənin əvvəllərində bərabərlik qolunu vurdu və oyun 1:1 hesabı ilə yekunlaşdı. Paralel keçən görüşdə ''Luton'' səfərdə ''Vest Bromviç''dən xal alacağı təqdirdə ''Hall Siti'' elita ilə vidalaşacaqdı. Amma Acunun komandasının bəxti gətirdi. ''Luton'' turu 3:5 hesablı məğlubiyyətlə tamamladı.

Həm ''Hall Siti'', həm də ''Luton'' mövsümü eyni - 49 xalla bitirdi. Amma ''Luton''un top fərqi daha pis olduğu üçün bu kollektiv 1-ci liqaya, yəni 3-cü diviziona yuvarlandı.

Maraqlıdı ki, ''Luton'' ötən mövsümü premyer-liqada keçirmişdi. Yəni bu komanda iki mövsüm ərzində iştirak etdiyi hər iki liqanı tərk etdi!

Qeyd edək ki, mövsümü 100 xalla tamamlayan ''Lids'' və ''Bernli'' ilk iki pilləni tutaraq premyer-liqaya yüksəliblər. Elitaya çıxan digər komandanın adına isə pley-offlardan sonra aydınlıq gələcək. Pley-offda ''Şeffild Yunayted'', ''Sanderlend'', ''Koventri'' və ''Bristol Siti'' iştirak edəcək.