“Şəfa”dan “ASK Arena” ilə bağlı qəribə kəşf – 8125 hara, 3729 hara?
Mayın 4-də 2-ci liqanın 24-cü turu çərçivəsində “Şəfa” – “Şahdağ Qusar” oyunu keçiriləcək.
“ASK Arena”da keçiriləcək matçda anşlaq yaşanacağı gözlənilir. Ona görə ki, satışa çıxarılan 3729 biletin hamısı satılıb. Amma bu mövzuda qəribə məqam var. İş ondadı ki, internet resurslarında “ASK Arena”nın azarkeş tutumunun 8125 olduğu göstərilir. Bəs klub niyə 3729 bilet satıb?
“Şəfa”nın mətbuat xidmətinin rəhbəri Əli Əliyev “Football-plus.az”a belə cavab verdi:
“Əvvəl biz də “ASK Arena”nın 8125 tamaşaçı tutumuna malik olduğunu düşünürdük. Oturacaqları sayandan sonra məlum oldu ki, 4900-ə yaxındı. Bu saydan mühafizə zolağı üçün ayrılan tribunaları da çıxanda 3729 yer qaldı. Həmin sayda bileti satışa çıxardıq. Hətta “Şahdağ Qusar”ın nümayəndələrindən biri və bəzi azarkeşləri hərəyə 100-150 bilet aldı. Hazırda bütün biletlər satılıb. “Şəfa” və “Şahdağ Qusar” azarkeşləri bir-biridən uzaqda, fərqli sektorlarda əyləşəcək”.
Xatırladaq ki, oyun saat 16.00-da başlayacaq.KƏNAN BAHADIR
Digər xəbərlər
