“Traktor”un 55 illik çempionluq həsrəti Təbrizdə yox, Qəzvində başa çatdı.

Güney Azərbaycan türklərinin qüruru bir neçə dəqiqə əvvəl başa çatan səfər oyununda “Şəms Azər”i darmadağın etdi – 4:0.

“Traktor”un çempionluq yolundakı əsas rəqibi “Sepahan” isə paralel keçən oyunda doğma azarkeşləri önündə “Gül Qohar”a 1:2 hesabıyla uduzdu. Bununla da “Traktor”la izləyicisi arasındakı xal fərqi 8-ə çatdı. Son iki turun nəticəsindən asılı olmadan “Traktor” çempionluğu bayram etdi.

Bu çempionluğa öz qələbəmiz kimi sevinməyə dəyər. Son illərdə dəfələrlə qızıl medalın astanasından qayıdan Təbriz klubu, nəhayət, hədəfinə çatdı.

Təbriklər, “Traktor”! Çempionluğunuz mübarək, Güney Azərbaycan türkləri!