“Şəms Azər Qəzvin” “Traktor”u durdura bilərmi?

“Traktor”u mayın 2-də səfərdə “Şəms Azər Qəzvin”lə qarşılaşacaq.

Qəzvin klubunun bu mövsüm üçün hədəfi qalmayıb. Hazırda 29 xalla 13-cü pillədə qərarlaşan qəzvinlilərin elitadan düşmək təhlükəsi o qədər də real deyil. Onlar 15-ci pillədəki “Nassaji”dən 8 xal irəlidədi.

Düzdü, “Traktor” səfərdə evdəki qədər inamlı oynamır. Bununla belə, “qırmızı qurdlar”ın bu dəfə uduzması fəlakət olar, son iki turdakı perspektivə duman qatardı. Müəyyən şərtlər daxilində Təbriz klubunu hətta heç-heçə də qane edir. Belədə növbəti turda – mayın 8-də keçiriləcək ev oyununda aşkar autsayderlərdən “Nassaji”ni məğlub etmək şərt olacaq.

Çox güman, məhz mayın 8-i Güney Azərbaycan türkləri üçün qürur gününə çevriləcək. “Traktor” çempionluğa yaxın, çox yaxındı!

MÜZƏFFƏR QULUZADƏ