“Şamaxı” Misli premyer-liqasının 32-ci turunda səfərdə “Turan Tovuz”la heç-heçə etdi - 1:1.

“Football-plus.az” qonaqların baş məşqçisi Ayxan Abbasovun oyunsonrası mətbuat konfransından hesabatı təqdim edir.

- Çətin və maraqlı oyun oldu. Hər iki komanda qalib gəlmək istəyirdi. İkinci hissədə futbolçularımdan daha sürətli hücumlar görmək istəyirdim. Xal itirən biz olduq. Futbolçularımdan razı qaldım. Standart vəziyyətlərdə futbolçularım yaxşı çıxış etdi. Hər xal bizim üçün vacibdi.

- Uzun fasilədən sonra Mikels fərqıi mövqeydə oynadı…
- Leroyun mövqeyi hücumda görünürdü. İkinci hissə daha yaxşı oldu. Tam hazır deyil. Leroya inanırıq. Demək olar ki, 3-cü dövrədə oynamadı. Zədədən sonra pis performans göstərmədi.

- Yerli futbolçu qıtlığı olduğu söylənilir…
- Razıyam. İnanmaq lazımdı. Həmişə demişəm ki, bəzi klublar büdcəsinə uyğun fəlsəfə seçməlidi. “Turan Tovuz”da Faiq Hacıyev əsas heyət oyunçusudu.

- Qələbə üçün nə çatmadı?
- Deyərdim ki, rəqibin bəxti gətirdi.

ƏSƏD SEYİDOV