“Şamaxı” Misli premyer-liqasının 23-cü turunda “Kəpəz”lə heç-heçə etdi - 1:1.

“Football-plus.az” qonaqların baş məşqçisi Ayxan Abbasovun oyunsonrası fikirlərini təqdim edir.

- Stressli oyun alındı. Heç bir komanda məğlub olmaq istəmirdi. Xala ehtiyacımız var idi. Oyunun gərginliyi futbolçularda da hiss olunurdu. Sadə qol buraxdıq. Futbolçularımız vuruşdular. Xalımızın üstünə xal gəldi. Yuxarıdakı rəqiblərə də yaxınlaşırıq.

- Heç-heçədən razısız?
- Oyunun axarı gərgin keçdi. Rəqibin yaxşı əks-hücumları oldu. Biz də çoxlu qol vəziyyəti yaratdıq. Hər iki komanda 1 xalı haqq edirdi.

- Qaçırılan epizodları görəndə dediz ki, kaş burda Leroy Mikels olaydı?
- Bu gün üç itkimiz var. İlboyu kim oynayırsa, ona güvənəcəyik. Gənc oyunçular rahat oynaya bilir.

- Leroy Mikels nə vaxt meydana qayıdacaq?
- Leroyun zədəsi ciddidi. Bir həftədən sonra komanda ilə məşqlərə qoşulacaq.

ƏSƏD SEYİDOV