Misli premyer-liqasının 18-ci turunda "Qəbələ" "Turan Tovuz"la heç-heçə edib - 0:0.

Football-plus.az xəbər verir ki, görüşdən sonra qonaqların baş məşqçisi Ayxan Abbasov görüş haqda fikirlərini səsləndirib:

"Xal qazanmaq istəyirdik. İnamlı gəlmişdik. "Qəbələ" son oyunlarda yaxşı çıxış edirdi. Bilirdik ki, bizim üçün çətin olacaq. Mübarizəli oyun oldu. Xal ehtiyatımızı artırdıq. Düşünürəm ki, həm kubok, həm də çempionatda pis nəticə göstərmədik".

- 18-ci turun nəticələri nəyi üzə çıxardı?
- Mövsümün əvvəlində rəqibləri analiz edirdik. Real desək, bizdən üstün komandalar var idi. Yeni formalaşan komandayıq. Çətin olacağını bilirdik. İstəyimiz son pillələrdə olmamaq idi. Bəzi klublar gözlədiyimizdən aşağı səviyyədə çıxış etdi və biz xallar qazandıq. Düşündüyümüz yerlərdən yuxarıyıq. Amma daha üst sıralara çıxmaq çətindi. Real demək lazımdı ki, nəticələr gözlədiyimdən daha yaxşı oldu.

- Qışda komandanı gücləndirmək üçün neçə transfer lazımdı?
- Rəqiblər də güclənəcək. Baxırıq ki, müdafiə xəttində zədələr ardıcıl oldu. Bu mövqedə çətinlik çəkdik. Gənclərə şans verdik. Rəqabət olmalıdı. Üç transfer edə bilsək, mübarizə aparmaq olar.

- Natan Oduvanın əvəzlənməsi nə ilə bağlı idi?
- Zədəsi tam sağalmayıb. Bundan başqa, Runi Eva standart vəziyyətlərdə yaxın küncdə yer alır. Onu dəyişib, kimisə ora gətirmək istəmədim.