“Şamaxı” Misli premyer-liqasının 29-cu turunda evdə “Neftçi”yə uduzdu - 0:2.

“Football-plus.az” meydan sahiblərinin baş məşqçisi Ayxan Abbasovun oyunsonrası mətbuat konfransından hesabatı təqdim edir.

- Evdə oynayırdıq və qələbə qazanmaq istəyirdik. İlk hissədə pis oynamadıq. Qol imkanlarından yararlana bilmədik. Müdafiədə diqqətsizlik oldu. Rəqib fərdi ustalıq sayəsində qalib gəldi. Bizdə hər şey üst-üstə düşür. Ehtiyat qüvvəmiz zəif idi. Ən çətin anlardan keçmişik. Rafaelin, Leroyun, Vladislav Veremeyevin yoxluğu çətinlik yaradır. Maykl Tuik xəstə idi, tam sağalmamışdı. Oynatmağa məcbur idik. Yeni oyunçumuz debüt etdi. Gələn oyunlarda zədəlilər də qayıtsa, toparlanacağıq. Qarşımıza qoyulan məqsədə çatmalıyıq. Bu bizim üçün siqnaldı.

- “Kəpəz”lə xal fərqiniz 1-ə endi. Çempionatın sonu gərgin keçəcək?
- Bəli, gərgin keçəcək. Çempionatın əvvəlində də belə dəyişikliklər olurdu. Qarşıda çox şey dəyişə bilər.

ƏSƏD SEYİDOV