"Mühüm qələbə idi. Evdə seriyamızı davam etdirmək istəyirdik. Ağır oyundan gəlmişdik. Bu gün futbolçular ilk dəqiqələrdən xarakter göstərdi. İstədəyimiz hücumlar oldu. Rəqibin boşluqlarından düzgün istifadə etdik. İkinci hissədə oyun bir az dəyişdi. Futbolçularım uduzmaqdan qorxurdu. Bu da normaldı. Ötən oyunda baş verən hadisələr onlara təsir edib. Belə oyunlar vacibdi. "Səbail" yaxşı rəqibdi. Mövsüm davam edir. Maraqlı çempionatdı. Aşağıdan uşzaqlaşırıq, yuxarıya yaxınlaşırıq".

"Football-plus.az" xəbər verir ki, bu sözləri "Turan Tovuz"un baş məşqçisi Ayxan Abbasov Misli premyer-liqasının 20-ci turunun (3:1) "Səbail"ə qarşı keçirilmiş oyunundan sonra mətbuat kofransında deyib.

- İstədiyiniz "Turan Tovuz"u görmək üçün nə qədər vaxt lazımdı?
- Əlbəttə vaxt lazımdı. Konkret nəsə demək olmaz. İlk günlə bugünkü "Turan Tovuz" arasında fərq var. Vaxt nə qədər çox olsa, heyət qorunsa, yaxşıya doğru gedəcəyik.

- "Turan Tovuz" evdə "Səbail"ə qalib gələ bilməmişdi. Matça bu motivasiya ilə çıxmışdız?
- Futbolçularım demişdim ki, "Səbail"ə bu mövsüm iki dəfə məğlub olmuşuq. Həmişə istəyirəm ki, bütün komandalardan xal ala bilək. Bu gün ümumi durum bizi motivasiya edirdi. Çünki, azarkeşlərimiz sevindirmək istəyirdik.

- "Kəpəz"lə matçdan sonra demişdiz ki, hakimlərə də qalib gəlməliyik. Bu gün onlara qalib gələ bildiz?
- Çətin oyun idi. Rauf Allahverdiyev öhdəsidən gəldi. Mübarizə çox idi. Hakim yaxşı olanda, həmişə oyundan sonra demişəm. Bizim istədiyimiz odu ki, düzgünlük olsun, oyunun nəticəsinə təsir edən səhvlər baş verməsin. VAR oyuna müdaxilə etməyəndə bizi düşünməyə vadar edir. Ötən oyun ona görə həmin sözü dedim ki, iki eyni epizodda fərqli qərar verdilər.

- Bu gün Sərxan Hacıyevin Tovuza gəlməsi sizcə, hakimliyə təsir etdi?
- Yox. Yəqin ki, Sərxan müəllim maraqlı oyun olduğu üçün gəlmişdi. Çox xoşdu ki, AFFA rəhbərliyi bölgələrdə oyunlara gəlir. Bakıdan çıxmaq lazımdı.