“İnter Mayami”nin hücumçusu Luis Suares KONKAKAF kubokunun oyununda həmklubu Jordi Albanı dişləyib. Fort-Loderdeyldə keçirilən bu oyun uruqvaylının komandasının 3:1 hesablı qələbəsi ilə bitib.

Dost atəşi
Oyunun sonlarında yaşanan gülməli qalmaqal teleyayına da düşüb. 88-ci dəqiqədə meydanda dava-dalaş baş verib – “İnter Mayami” ilə “Los-Anceles”in bəzi futbolçuları itələşməyə başlayıb. Meydan sahiblərindən davaya qoşulanlar arasında Suareslə Alba da olub. Jordi uruqvaylı ilə müqayisədə daha aqressiv görünüb. Luis onu münaqişənin mərkəzindən uzaqlaşdırmağa çalışıb. Ancaq lateral inadkarlıq edib, hətta bir əli ilə həmklubunun futbolkasından yapışıb. Belədə Suares əvvəlcə onun barmaqlarını dişləyib, sonra da boynundan itələyib.

Ağrıdan qovrulan Alba özünü qazona atıb. Yalnız bundan sonra uruqvaylı hücumçu onu buraxıb. Suares yanındakının məhz Jordi olduğunu anlasa da, internetdə dərhal belə zarafatlar yayılıb ki, guya ururqvaylı onu rəqibin futbolçusu bilib. Amma belələri ilə Luisin söhbəti, adətən, qısa sürür.

El Vampiro
Suaresin futbol dünyasında daimi ləqəbi yoxdu. Ancaq ispandilli ölkələrə tez-tez onu “Uruqvat vampiri” adlandırırlar. Səbəb aydındı – “Barselona”nın sabiq hücumçusu dişləmək həvəskarıdı.

Onun ilk sənədli-sübutlu hücumu 2010-cu ildə baş verib. Onda “Ayaks”ın şərəfini qoruyan Luis PSV-nin oyunçusu Otman Bakkalı dişləyib. Uruqvaylı inanılmaz hərəkətinə görə 7 oyunluq cəza alıb.
Bir neçə il özünü sakit aparan Suares 2013-cü ildə artıq “Liverpul” – “Çelsi” oyununda Branislav İvanoviçi dişləyib. Onda İngiltərənin futbol qurumu Vampiri 10 oyunluq cəzalandırmışdı. Luis bu dəfə cəmi bir il dözdü. Və 2014-cü ildə keçirilən dünya çempionatının Uruqvay – İtaliya (1:0) oyununda eyni şəkildə Corco Kyelliniyə hücum çəkdi. Onda Suares üçün bu hərəkətin fəsadı daha ağır oldu – o, təkcə dişindən zərbə almadı, həmçinin sərt cəza ilə üzləşdi. 4 aylığa futbolla bağlı istənilən fəaliyyətdən uzaqlaşdırıldı, yığmada 9 oyunluq cəza aldı və cərimələndi. Belə sərt cəzanı hətta Kyellini də anlamamışdı: