Sabiq ''Barselona''lıları toplayan ''İnter Mayami'' üçün yeni mövsüm uğurlu start götürüb.

“Football-plus.az” xəbər verir ki, Devid Bekhemin sahibi olduğu komanda əvvəlcə ''Real Solt Leyk''i 2:0 məğlub etdikdən və ''Los Anceles Qalaksi'' ilə 1:1 bərabərə qaldıqdan sonra 3-cü oyunda ''Orlando Siti'' ilə qarşılaşdı. Bu dəfə ''İnter Mayami'' rəqibini 5:0 hesabı ilə darmadağın edərək xalını 7-yə yüksəltdi və liderliyini davam etdirdi. Matça damğa vuran futbolçu isə Lionel Messi yox, Luis Suares oldu. Buna qədər yeni klubunda rəsmi oyunda qol hesabını aça bilməyən məşhur uruqvaylı forvard 5 qoldan 4-də yaxından iştirak edərək oyunu 2 qol, 2 məhsuldar ötürmə ilə tamamladı. Leo da aktivinə 2 qol yazdı. Bu iki ulduzdan başqa Xordi Alba ilə Serxio Buskets də meydana çıxaraq ''İnter Mayami''nin qələbəsinə töhfə verdi. Mayami təmsilçisi növbəti görüşünü martın 8-nə keçən gecə KONKAKAF Çempionlar Kubokunda ''Neşvill''ə qarşı keçirəcək.

ƏLİ