''Qızıl top''u qazanmış futbolçu ÇL-də favoritini açıqladı
Çempionlar Liqasında gələn həftə yarımfinal mərhələsinin ilk oyunları keçiriləcək.
''Football-plus.az'' xəbər verir ki, yarımfinalda ''Barselona'' - ''İnter'' və ''Arsenal'' - PSJ duellərini izləyəcəyik. Son illərdə bu turnirdə hegemonluq edən və son çempion statusunda olan ''Real''ın 1/4 finalda mübarizəni dayandırmasının ardından titulun kimə qismət olacağı böyük maraqla gözlənilir. Bu arada ötənlərin məşhur futbolçusu Luiş Fiqo favoritini və ÇL-in qalibi ilə bağlı proqnozunu açıqlayıb. ''Barselona'', ''Real'', ''İnter'' və Portuqaliya yığmasının sabiq üzvü olan, eləcə də 2000-ci ildə ''Qızıl top''u qazanan Fiqo bunları deyib:
''Fikrimcə, bu mövsüm ÇL-i PSJ qazanacaq. Onlar həm fiziki, həm də psixoloji cəhətdən əla durumdadılar. Nəticələri də çox sabitdi. Hərçənd belə proqnozlarda diqqətli olmaq lazımdı. Çünki dəqiq bir söz demək çətindi. Amma mənim favoritim PSJ-di''.
Digər xəbərlər
