''Vinisiusun Amerika Kubokunu bərbad keçirdiyini deməzdim. Sadəcə Braziliya yığması indi çətin dönəmdən keçir. Vini ümumilikdə 2023/24 mövsümünü inanılmaz keçirdi. Mbappedən daha yaxşı təsir bağışladı. Onun futbolçu kimi Kiliandan daha güclü olduğunu demirəm. Sadəcə bu mövsümü Vini üstün keçirdi. Mbappe ondan daha hərtərəfli futbolçudu. Amma rəqiblər ona qarşı sıx və bütün komanda ilə müdafiə olunduqda Mbappe problem yaşamağa başlayır. Bu baxımdan Vinisius daha təhlükəlidi. Bellingem də ötən mövsüm ''Real''ın uğurlarında mühüm rol oynadı. Onu çox bəyənirəm. Hətta məndən olsa, ''Qızıl top''u ona verərdim. Amma etiraf etmək lazımdı ki, Vinisius mövsümü daha güclü keçirdi''.