''2010-cu ildə ''Qızıl top''un səsverməsində Messinin qalib olması mənə qarşı bir qədər haqsızlıq olmuşdu. Mükafatı mən qazanmalı idim. Hərçənd belə şeylərə görə oturub ağlayanlardan deyiləm. Çünki ''Qızıl top'' fərdi mükafatdı. Mən isə komanda şəklində qazanılan mükafatlara daha çox önəm verirəm. Məsələn, həmin il qazandığım ÇL ilə ''Qızıl top'' arasında seçim etməli olsam, məhz ÇL-ə üstünlük verərəm. Bu turnirin qalibi olmağımla fəxr edirəm. DÇ-2010-nun finalında bəlkə də biz qələbəyə daha layiq idik. Amma həmin İspaniya da inanılmaz komanda idi və bizi məğlub etməyi bacardılar. Mundialın finalında oynamaq hər zaman ən böyük arzum idi. Buna nail olsam da, finaldakı məğlubiyyət üzündən indiyə qədər də qəlbim qırıqdı''.