“ÇL-in finalları əksər vaxtlarda unudulmaz oyunlara səhnə olur. Çünki hər iki klubu tituldan cəmi bir addım ayırır. Əminəm ki, İstanbuldakı finalda möhtəşəm atmosfer olacaq. 2005-ci ildə İstanbuldakı “Liverpul” – “Milan” finalında nələr baş verdiyini nəzərə alsaq, insanlar budəfəki oyunu da böyük səbirsizliklə gözləyir. “Mançester Siti”də bir çox dostum var. Onlar favorit sayılırlar. Amma final bir oyundan ibarətdi. Konkret bir oyunda isə hər şey baş verə bilər. Həm də “İnter” psixoloji cəhətdən yaxşı durumdadı və sona qədər mübarizə aparacaq. “İnter”də top qovduğum üçün qəlbim bu klubla birlikdə olacaq. Jorje Jezuşun Türkiyədə ilk ili olduğunu nəzərə alsaq, “Fənərbaxça”nın başında gördüyü işi yüksək qiymətləndirirəm. Kifayət qədər xal fərqi var. “Qalatasaray” üstün durumdadı və çempionluğa daha yaxındı. Amma fikrimcə, fanatlar Jezuşu sevir və onun burda çalışmasındasn məmnundu. Əla məşqçidi və mənim dostumdu. İspaniyada yaşadığım üçün Türkiyə çempionatını uzaqdan izləyirəm. Təbii ki, üç İstanbul nəhəngini çox gözəl tanıyıram. Bəzən onların avrokuboklardakı matçlarını izləyirəm. Futbolçu olduğum dönəmdə Türkiyədən heç vaxt təklif almamışam. Çünki qiymətim çox baha idi (gülür). Canni İnfantinonun son mundialı tarixin ən yaxşı DÇ-si adlandırması barədə nə düşünürəm? Bəli, mükəmməl bir turnir alındı. Amma yenicə bitib. Bəlkə də xatirələr çox təzə olduğu üçün belə deyib. DÇ-lər həmişə futbol festivalı ab-havasında keçir. Mən də ordaydım və hər şey gözəl təşkil olunmuşdu. Amma bunun tarixin ən yaxşı mundialı olub-olmadığını deyə bilmərəm. Sadəcə, hər kəsin fikrinə hörmətlə yanaşıram. Necə ki, Kriştiano Ronaldonun da Səudiyyə Ərəbistanına yollanmaq qərarına hörmətlə yanaşıram. Futbolçular karyeralarının sonuna yaxın özləri üçün ən yaxşı variantı seçirlər. Bu, hər oyunçunun şəxsi məsələsidi”.