Aprelin 9-11-i aralığında Libertadores Kubokunun (LK) qrup mərhələsinin 2-ci turu keçirildi. Nəzərdə tutulan 16 oyundan birinin sona çatdırılmadığını bəribaşdan qeyd edək.

Buna “Kolo Kolo”nun iki azarkeşinin “Fortaleza” ilə oyundan əvvəl ölməsi səbəb olub. Çili klubunun bileti olmayan bir qrup azarkeşi matçdan əvvəl stadiona daxil olmağa cəhd edib. Polis buna dərhal reaksiya verib və izdihamı dağıdıb. Lakin basırıq zamanı iki azarkeş həlak olub. Santyaqodakı matç bir saat gecikmə ilə start götürüb. Stadionakıların baş verən faciədən tədricən xəbər tutmağa başladığı vurğulanır. 2-ci hissənin ortalarında bir neçə azarkeş meydana qaçaraq oyunun dayandırılmasına səbəbkar olub. Cənubi Amerika mediası həmin fanatların iki azarkeşin ölümündən sonra matçın davam etdirilməsinə etiraz olaraq belə addım atdığını xəbər verib. Daha sonra stadionda oyunun dayandırıldığı elan edilib.

Baş tutan oyunlara gəlincə, “Botafoqo”nun ilk xallarını qazandığını qeyd edək. Yeni mövsümə məğlubiyyətlə başlayan turnirin son çempionu bu dəfə evdə “Karabobo”ya 2:0 hesabıyla qalib gəldi. Rio de janeyroluların A qrupunun autsayderinin qapısına son dəqiqələrdə yol tapması da diqqətdən yayınmadı. Bu qrupda “Universidad de Çili” 6 xalla liderdi. Ümumiyyətlə, iki tura maksimum nəticə qazananların sayı 4-ə bərabərdi: D qrupunda
“Libertad”, G qrupunda “Palmeyras”, H qrupuda isə “Veles Sarsfild” ardıcıl iki qələbə qazanıb. Xalı olmayan komandaların sayı isə 8-ə bərabərdi. Maraqlıdı ki, hər bir qrupda belə göstəriciyə malik iştirakçı var.

qrup mərhələsi, 2-ci tur
A qrupu
Estudiantes (Argentina) - Universidad de Çili (Çili) 1:2
Pyovi, 43 – Arangis, 7-p. Saldivia, 10.

Botafoqo RJ (Braziliya) - Karabobo (Venesuela) 2:0
Patrik de Paula, 88. Mateus Martins, 90+8.

1. Universidad de Çili 2 2 0 0 3-1 6
2. Estudiantes 2 1 0 1 3-2 3
3. Botafoqo RJ 2 1 0 1 2-1 3
4. Karabobo 2 0 0 2 0-4 0

B qrupu
River Pleyt (Argentina) - Barselona (Ekvador) 0:0

İndependyente del Valye (Ekvador) - Universitario (Peru) 1:0
Alsivar, 82.

1. River Pleyt 2 1 1 0 1-0 4
2. Barselona 2 1 1 0 1-0 4
3. İndependyente del Valye 2 1 0 1 2-1 3
4. Universitario 2 0 0 2 0-2 0

C qrupu
LDU Kito (Ekvador) - Deportivo Taçira (Venesuela) 2:0
Arse, 73; 83.

Flamenqo (Braziliya) - Sentral Kordoba (Argentina) 1:2
De la Krus, 61 – Eredia, 24-p. Florentin, 44.

1. LDU Kito 2 1 1 0 2-0 4
2. Sentral Kordoba 2 1 1 0 2-1 4
3. Flamenqo 2 1 0 1 2-1 3
4. Deportivo Taçira 2 0 0 2 0-3 0

D qrupu
Libertad (Paraqvay) - Talyeres de Kordoba (Argentina) 2:0
Franko, 9. Alkaras, 57.

San Paulu (Braziliya) - Alyansa Lima (Peru) 2:2
Ferreyra, 32; 37 - Kastilyo, 66. Kuevedo, 76
1. Libertad 2 2 0 0 3-0 6
2. San Paulu 2 1 1 0 3-2 4
3. Alyansa Lima 2 0 1 1 2-3 1
4. Talyeres de Kordoba 2 0 0 2 0-3 0

E qrupu
Rasinq (Argentina) - Atletiko Bukaramanqa (Kolumbiya) 1:2
Barrios, 90+2 - Pons, 54. Sambuesa, 64.

“Kolo Kolo” (Çili) – “Fortaleza” (Braziliya) oyunu 73-cü dəqiqədə dayandırılıb.

1. Atletiko Bukaramanqa 2 1 1 0 5-4 4
2. Rasinq 2 1 0 1 4-2 3
3. Kolo Kolo 1 0 1 0 3-3 1
4. Fortaleza 1 0 0 1 0-3 0

F qrupu
İnternasyonal (Braziliya) - Atletiko Nasyonal (Kolumbiya) 3:0
Alan Patrik, 50-p.; 82-p.; 88.

Nasyonal (Uruqvay) – Bayya (Braziliya) 0:1
Erik Pulqa, 64.

1. İnternasyonal 2 1 1 0 4-1 4
2. Bayya 2 1 1 0 2-1 4
3. Atletiko Nasyonal 2 1 0 1 3-3 3
4. Nasyonal 2 0 0 2 0-4 0

G qrupu
Palmeyras (Braziliya) - Serro Portenyo (Paraqvay) 1:0
Rios, 41.

Bolivar (Boliviya) - Sportinq Kristal (Peru) 3:0
Fabio Qomes, 12-p. Vaka, 44; 58.

1. Palmeyras 2 2 0 0 4-2 6
2. Bolivar 2 1 0 1 5-4 3
3. Serro Portenyo 2 1 0 1 4-3 3
4. Sportinq Kristal 2 0 0 2 2-6 0

H qrupu
Olimpiya (Paraqvay) - Veles Sarsfild (Argentina) 0:4
B.Romero, 25; 49-p. Karriso, 56. Pitsini, 90+3.

Penyarol (Uruqvay) - San Antonio de Bulo Bulo (Boliviya) 2:0
Vilyalba, 60. Maçado, 90+4.

1. Veles Sarsfild 2 2 0 0 6-1 6
2. Penyarol 2 1 0 1 3-2 3
3. San Antonio de Bulo Bulo 2 1 0 1 3-4 3
4. Olimpiya 2 0 0 2 2-7 0

Bombardirlər: Vaka (Bolivar) – 4, Alan Patrik (İnternasyonal), X.Torres (Serro Portenyo) - 3.