“Görünən odu ki, “Neftçi”yə qələbə qazanmaq üçün iki top da bəs etmir” – niyə?
Bu gün ölkənin ən titullu klubları üz-üzə gələcək. “Qarabağ” “Neftçi”ni qəbul edəcək. Tofiq Bəhramov adına Respublika stadionundakı görüş bu rəqiblərin ölkə çempionatındakı 99-cu dueli olacaq.
Turnir cədvəlindəki durum bəllidi. Bəs bu gün “Neftçi”ni daha şanslı edən, onun mümkün qələbəsindən xəbər verən heç olmasa, bir dəlil varmı? Ümumiyyətlə, bugünkü oyunun axarını necə təsəvvür edirsiz? “Football-plus.az” bu sualları təcrübəli mütəxəssis Arif Əsədova ünvanlayıb:
“Bu komandaların dueli daim intriqa daşıyıb. “Qarabağ” hazırda çempionluq uğrunda mübarizə aparır, “Neftçi” isə kuboku düşünür. Bakılıların çempionat yolu ilə avrokuboklara yollanmaq şansı yoxdu. Sıradan bir oyun kimi ona baxmaq olar. “Neftçi”nin də şansı var ki, “Qarabağ” üzərində qələbə qazansın. Maraqlı oyun olacaq. Üstünlük “Qarabağ”ın tərəfindədi. “Neftçi” qapısında top görməmək şərti ilə qol vurmalıdı. “Zirə” ilə oyunda 2 top vursa da, qapısında 4 qol gördü. Görünən odu ki, “Neftçi”yə qələbə qazanmaq üçün iki top da bəs etmir. Müdafiədəki problemlər açıq-aşkar görünür”.
ƏSƏD SEYİDOV
Digər xəbərlər
