“Sürpriz nəticələr olmasa, medallar uğrunda “Qarabağ”, “Zirə” və “Araz-Naxçıvanın” mübarizə aparacağı daha real görünür. Heç kimdə şübhə doğurmur ki, “Qarabağ” çempion olacaq. 2-ci yeri tutmağa “Zirə” daha yaxındı. “Səbail” qış fasiləsində hansısa dəyişikliklər edə bilərdi. Mövsüm sona yaxınlaşdıqca komandanı nəyin xilas edəcəyini demək olmur. Xal durumu imkan vermir ki, sonuncu pilləni tərk etsinlər. Oyunçuların keyfiyyətini və psixoloji durumu nəzərə alsaq, qurtulmaq çətin görünür. Məncə, “Qarabağ” kuboku götürməyə daha yaxındı. “Qarabağ” kuboku götürsə, “Turan Tovuz”un avrokuboklara getmək şansı olacaq. “Turan Tovuz” 4-cü yer uğrunda mübarizədə “Sabah”la “Neftçi”ni geridə qoymağı bacarsa, deməli, avrokuboklara getməyə layiqdi. “Neftçi” və ya “Sabah” kubokun qalibi kimi avrokuboka qatılarsa, onlar layiq sayılacaq. Potensialı və oyunu nəzərə alaraq qeyd edirəm ki, finala daha yaxın olan “Sabah”dı. Bu komandanın hücum xəttinin potensialını dəfələrlə qeyd etmişəm ”.