“Araz-Naxçıvan”ın 2-ci yerə çatmaq şansı çox azdı” – avrokubok təmsilçiliyimiz necə olacaq?
Futbol üzrə ölkə çempionatında sona 7 tur qalır.
“Football-plus.az” xəbər verir ki, çempion bəllidi, “Araz-Naxçıvan”, “Kəpəz” və “Qəbələ” ilə bağlı da hər şey aydındı. Amma 2-3-cü yerlər uğrunda 6 komanda mübarizə aparır: “Zirə” (45), “Neftçi” (44), “Sumqayıt” (43), “Sabah” (40), “Turan Tovuz” (39), “Səbail” (38).
Bəs mövsümün sonluğu haqda nə düşünmək olar? Təcrübəli mütəxəssis Aslan Kərimovun fikirləri:
“Yalnız onu demək olar ki, bu siyahıda ən çox geri qalan “Araz-Naxçıvan”dı . Yeni baş məşqçi gəldi, qısa zaman kəsiyində bəzi işlər görmək çətin olacaq. Yeni transferlər etmək məcburiyyətindədilər. “Araz-Naxçıvan”ın 2-ci yerə çatmaq şansı çox azdı. Amma qalan komandaların hər biri həmin yeri tuta bilər. “Zirə”, “Neftçi” və “Sumqayıt”ı daha şanslı görürəm”.
Xatırladaq ki, Azərbaycan üçün 2024/25 mövsümündə avrokuboklarda təmsilçilik qaydası belə olacaq. 1 komanda (oxu: “Qarabağ”) Çempionlar Liqasında, 1 komanda (yəni ölkə kubokunun qalibi, “Qarabağ” kuboku da qazanarsa, çempionatda 2-ci yeri tutan komanda) Avropa Liqasında, daha 2 komanda (çempionatda 3-4-cü yeri tutanlar) isə Konfrans Liqasında mübarizə aparacaq.
ƏSƏD SEYİDOV
Digər xəbərlər
