''Yunayted''in qapısını bu dəfə kim qoruyacaq?
Avropa Liqasında 1/4 final mərhələsinin cavab oyunu çərçivəsində ''Mançester Yunayted'' fanatları önündə ''Lion'' ilə qarşılaşacaq.
''Football-plus.az'' xəbər verir ki, baş məşqçi Ruben Amorimin qapıçı ilə bağlı qərarı bəlli olub.
Portuqaliyalı mütəxəssis fransızlarla cavab oyununda qapıda Andre Onanaya şans verecek. Amorim oyunöncəsi mətbuat konfransında bu mövzuda gələn suala belə cavab verib: ''
Bir məşqçi olaraq belə vəziyyətlərdə futbolçuya yardım edə biləcək şeylər etməyə çalışdığımı düşünürəm. Təbii ki, oyunçunun fiziki durumu da önəmlidi. Amma onun fiziki durumu qədər psixoloji vəziyyəti də önəmlidi. Oyunçuları psixoloji cəhətdən də hazırlamalı və bu durumu yaxşı idarə etməliyik. Qarşıdakı oyunda Onanaya şans vermək niyyətindəyəm''.
Xatırladaq ki, ''Lion''a qarşı 2:2 hesabı ilə bitən səfərdəki ilk görüşdə kamerunlu qapıçı buraxılan hər iki qolda inamsız oyunu və səhvləri ilə diqqət çəkmişdi. Bu üzdən fanatlar sosial şəbəkələrdə ona etirazını bildirmiş və türkiyəli Altay Bayındıra şans verilməsini tələb etmişdilər. Amorim fanatların fikrinə hörmətlə yanaşdığını göstərərək ''Nyukasl''a qarşı səfər oyununda (1:4) Bayındıra etibar etdi. Amma bu qapıçı da etibarlı oynamadı. Bayındır premyer-liqada debüt görüşündə səhvlərə yol verərək 4 top buraxdı.
Bu dəfə isə göründüyü kimi məşqçilər korpusu yenidən Onanaya güvənməyə qərar verib. ''Yunayted''də qapıçılarla bağlı yaranmış bu çətin durumu nəzərə alaraq Onananın ''Lion'' ilə vacib qarşılaşmada necə təsir bağışlayacağı böyük maraq doğurur.
Digər xəbərlər
