“Trabzonspor”la matçda çox yaxşı performans sərgilədik. Qolları fasilədən sonra vursaq da, ilk yarıda da pis oynamamışdıq. Şanssız bir qol buraxdıq ki, bu da futbolun bir parçasıdı. Əsas odu ki, buraxılan qola düzgün reaksiya verdik. Hədəfimiz qalib gəlmək idi və buna da nail olduq. Qol sevincimin mənasını məndən çox soruşurlar. Böyük qızım Şarlotta “Moana” adlı cizgi filmini çox sevir. Orda “Maui” adlı əsas qəhrəmanın özünəməxsus bir duruşu var. Mən də qol sevinci zamanı onun duruşunu təkrarlamağa çalışdım. “37” nömrəyə üstünlük verməyimin xüsusu bir sirri yoxdu. Sadəcə, klub karyeramda bu nömrə mənə uğur gətirir. Karyeram boyunca bu nömrə altında oynamışam. Ona görə də mənim sevimli nömrəmdi. Həm də məndən öncə həmyerlim Martin Şkrtel də “Fənərbaxça”da bu nömrə altında oynamışdı. Mən də bu ənənəni davam etdirmək istədim. Ailəm həyatımda çox önəmli yer tutur. Çünki mənə həmişə dəstək veriblər. Sol qoluma qızımın adını döymə etdirmişəm. Sağ qoluma da digər qızımın adını döydürməyi planlaşdırıram. Uşaqlarımın sayı artsa, bu dəfə ayaqlarımın köməyindən istifadə edəcəm (gülür). Burda özümü həqiqətən də çox xoşbəxt hiss edirəm. Türkiyəyə ayaq basdığım ilk gündən mənim üçün hər şey gözəl şəkildə irəliləyir. Mourinyo ilə bura gəlməmiş söhbət edərək mənlə bağlı planları ilə tanış olmuşdum. Hər oyunda sona qədər mübarizə aparmağa və komanda üçün əlimdən gələni etməyə çalışıram. Hələ maksimum səviyyəmizə çatmamışıq. Bunda da yaxşı oynaya bilərik. Artıq hər qarşılaşma finala bərabərdi. Strategiyanın bir önəmi yoxdu. Yeganə önəmli şey qələbə qazanmaqdı. “Sivasspor”la oyun da daxil olmaqla qarşıda bizi 8 final matçı gözləyir. Mövsümün sonunda nə olacağını birlikdə görəcəyik. Fanatların dəstəyini isə ilk gündən hiss edirəm. Burda fanatlar həqiqətən də mükəmməldi. Onların dəstəyini, enerjisini hiss etmək mənim üçün önəmlidi. Hər matçda tribunada bizi gözəl şəkildə dəstəkləyirlər. Üstəlik sosial şəbəkələrdə də çox gözəl dəstək mesajları göndərərək bizi ruhlandırırlar. Gələcəyimlə bağlı qərar verilməyib. Doğru zaman gələndə bir çıxış yolu tapmaq üçün idman direktorumuz və başqanımızla görüşərək bu məsələni müzakirə edəcəyik. Mən zatən mövsümün sonuna qədər üzərimə düşəni və əlimdən gələni edəcəm. Müqavilə məsələsini isə sonraya saxlamışıq”.