''Fikrimcə, artıq Şkrinyarın Parisə geri dönməsi mümkün deyil. Ən azı indiki məşqçi orda davam etdiyi müddətdə. Şkrinyar üçün yeni macəra çox uğurlu keçir. İlk gündən ''Fənər''in liderlərindən birinə çevrilib. Mourinyonun və fanatların sevgisini, hörmətini qazanıb. Türkiyədə özünü çox yaxşı və rahat hiss edir. Ən əsası nəhayət, daimi oyun praktikasına malikdi. Bu, həm komanda, həm də onun özü üçün müsbət haldı. ''Fənərbaxça''nın indidən onun klubda qalmasına səy göstərməsi təəccüblü deyil. Belə bir iş birliyi iki tərəfin də xeyrinə ola bilər. Ona görə də yay transfer dönəminin çox maraqlı və həyəcanlı keçəcəyini düşünürəm. Şkrinyarın İtaliyada ''Milan'' və ya başqa bir kluba transfer olunmaq ehtimalının yüksək olduğunu düşünmürəm''.