“Sonuncu yerdə olsaq da, riyazi şanlarımız qalmaqdadı. 2-ci dövrədən etibarən hər oyuna xal üçün çıxırıq. “Hypers Quba”, “Kür-Araz” ilə 3:3 hesablı oyunlarımız oldu. Xal qazanmaq üçün əlimizdən gələni edirik. Bəzən oyunlarımız alınmır. “Füzuli” ötən il 1-ci liqaya vəsiqə uğrunda mübarizə aparırdı və bu mübarizə sona qədər davam etdi. Sponsorsuzluq, maddi sıxıntılar bizə çox mane oldu. Futbolçu sayı məhduddu. Bundan sonrakı oyunlarımız final xarakterli olacaq. 2-ci liqada qalmaq istəyirik. Reallıqlar da var. Reallıqlar şanslarımızı azaldır. Qarşıdakı oyunlarımızın hər biri çox çətindi. Komandamızın indiki vəziyyəti Füzuli ictimaiyyəti üçün rəzillikdi. 200 minə yaxın əhalisi olan rayonda kifayət qədər iş adamı, nüfuzlu şəxslər var. Onlar komandanın bu vəziyyətə düşməməsinə kömək edə bilərdi. Rayonumuzu təmsil edən komandanın maddi təminatını ödəyə bilərdik. Təəssüf ki, deyəcəyimiz söz yoxdu. Region Liqasının elə təmsilçiləri var ki, 2-ci liqaya çıxmaq üçün yüzminlərlərə pul xərcləyir, əllərindən gələni edirlər. Biz 2-ci liqada ola-ola, sponsor, tərəfdaş tapa bilmirik. Ümidimiz Allaha qalıb. Qarşıdakı altı oyuna xal, qələbə üçün çıxacağıq, əlimizdən gələni edəcəyik”.