“Məlum məsələdi ki, bu mövsüm “Füzuli”nin sponsoru yoxdu. Vasif İsmayılov da klubun təsisçilərindən biridi. Həm mənəvi, həm də maddi dəstəyi həmişə klubun üstündədi. Əlindən gələni edir ki, komanda xallar qazansın, liqada yerini qorusun. Futbola bağlı adamdı, ömrünü futbola həsr edib. Heyətimiz çox məhduddu. Oyunun əvvəlində müdafiəçimiz zədələndi. Həyəcanını boğa bilməyən Vasif bəy texniki zonaya düşdü. Çünki bir oyunçumuzun zədələnməsi bizə ciddi problem yarada bilər. Həmin anlar kadra düşüb və buna görə cəriməyə məruz qalmışıq. Belə şeylər futbolda olur. Güman edirik ki, bir də belə hadisələrlə qarşılaşmarıq. Federasiyanın bizi cərimələməsi normaldı, başa düşürük”.