“AFFA-nın ayırdığı 50 min manat bir mövsüm üçün nəzərdə tutulub. Oktyabr ayından başlamaqla hər ay 5 min manat ödənilir. Onun da xərclənmə təyinatları var, maliyyə intizamları gözlənilməlidi. Əlavə vəsaitə ehtiyac olur. Komandanın səfər oyunları olur. Çətinliklərimiz davam edir. Komanda 2-ci liqada çıxışı davam etməlidi və biz ayaqada qalmalıyıq. Paralel şəkildə müəyyən iş adamları ilə danışıqlarımız davam edir. Meydana 10 nəfərlə çıxmağımız ajiotaj doğurdu. Füzulidən olan tanınmış şəxslərə, iş adamlarına, ictimaiyyətdə nüfuzu olan insanlara bu hadisə yaxşı təsir etməmişdi. Zənglər oldu, vəziyyətdən çıxmaq üçün müəyyən məsələləri müzakirə etdik. Hələ ki ortada heç nə yoxdu. Komandanı bu yerə gətirənə qədər çox əziyyət çəkmişik. Region Liqasında 5 il mübarizə aparmışıq. Ötən mövsüm “Füzuli” çempionluq üçün mübarizə aparırdı. Ötən mövsümdə çıxış edən futbolçularımız bu il 2-ci liqada çempionluğa çalışan komandaların uğurları üçün çalışır. Komanda 2-ci liqada qalmalıdı və növbəti mövsümə qədər müəyyən məsələləri həll etməliyik. Daha peşəkar və problemsiz klub kimi Azərbaycan futbolunda öz yerimizi tutmalıyıq. Füzulidən həmişə tanınmış futbolçular çıxıb. Füzuli böyük futbolla yaşamalıdı. Danışıqlar gedir, müəyyən nəticələrin əldə olunması ehtimalı var”.