İkinci liqa üçün hazırlıqlarını davam etdirən "Füzuli"nin yeni baş məşqçisi müəyyənləşib.

"Football-plus.az" klubun mətbuat xidmətinə istinadən xəbər verir ki, "Füzuli"ni komandanın qurucularından olan Vasif İsmayılov çalışdıracaq. O, həmçinin klubun icraçı direktoru vəzifəsini də icra edəcək.

"Füzuli" komandasının İdman Direktoru vəzifəsinə isə, tanınmış futbolçu, Azərbaycan, Türkiyə, Portuqaliya, Yunanıstan, Kosovo, Bosniya və Herseqovina, Moldova və Avstriya klublarının, o cümlədən Azərbaycan Milli futbol komandasının şərəfini də qorumuş Amit Quluzadə təyin edilib.

Qeyd edək ki, "Füzuli" 2023/24 mövsümündə yeni yaradılan İkinci divizionda mübarizə aparacaq.