''Mən Türkiyəyə gələndə ''Qalatasaray'' tarixinin ən uğursuz mövsümlərindən birini geridə qoymuşdu. 13-cü pilləni tutmuşdular. Yeni və təcrübəli isimlər axtarırdılar. Açığı, Türkiyəyə gəlib bir il oyandıqdan sonra karyeramı bitirməyi planlaşdırırdım. Ona görə də birillik müqavilə imzaladım. Amma göründüyü kimi burda artıq 3-cü mövsümümü keçirirəm və iki çempionluq qazanmışam. Ümid edirəm ki, ardıcıl üçüncü çempionluğu da qazanacam. Bu, mənim üçün inanılmaz təcrübə olardı. Türkiyədə yaşadıqca ölkəni tanımaq istəyirsən. Antalyaya, Trabzona və ya İzmirə səyahət edib ordakı insanların nə qədər istiqanlı olduğunu görürsən. Öz ölkələri ilə qürur duyurlar. İtaliyada da belə idi. Orda da insanlar öz ölkələri ilə qürur duyurdu. Türk xalqı qürurludu və bunu da göstərməyə çalışırlar. Məsələn, sənə çay ya da yemək təklif edirlər. Çay mövzusu lap dəhşətdi. Az qala zorla sənə içizdirirlər. Türkiyəyə gəldikdən sonra məni ən çox nə təəccübləndirib? ''Qalatasaray''ın böyüklüyü. ''Napoli''də də oynamışam. Amma ''Qalatasaray'' həqiqətən də bütün dünyada tanınan bir klubdu. Düzdü, kənarda oynayanda da bu klubun adını tez-tez eşidirsən. Amma klubun daxilində olduqda ''Qalatasaray''ın böyüklüyünü daha yaxşı anlayırsan. Həm də türk insanının futbola nə qədər bağlı olduğunu görürsən. Türklər hər yerdə var. Almaniyada, Belçikada... Başqa ölkədə belə restorana gedəndə orda da türkləri görürəm. Əvvəllər bunun fərqinə varmırdım və bu dərəcədə fikir vermirdim. Amma indi mənə elə gəlir ki, türklər dünyanın hər yerində var. Osimheni gəlməyə mən vadar etdimmi? Bəli, mən razı saldım. İnanılmaz bir səviyyəyə malikdi. İndi dünyada onun kimi hücumçu demək olar, yoxdu. Levandovski artıq yaşlanıb. Benzema da artıq yoxdu. Viktor hazırda dünyanın ən güclü 3 hücumçusundan biridi. Mükəmməl futbolçu olmaqla yanaşı həm də əla insandı. Onun kimi futbolçuya sahib olduğumuz üçün çox şanslıyıq. Hələ də inkişaf etməyə qadirdi. Hər şey özündən asılıdı. Daha da qola ac olmalı, indiki səviyyəsi ilə kifayətlənməməlidi. Hər 10 dəqiqədən bir qol vurmağa çalışmalıdı. Ən azı buna cəhd etməli və özünü bir qədər də maksimum səviyyəyə çatdırmalıdı. Amma çox faydalı oynayır. Bir yerdə dayanmır və hər zaman boş zonaya açılmağa çalışır. Bu hərəkəti ilə bizim üçün də zonalar açır''.