Karyerasını ''Qalatasaray''da davam etdirən Dris Mertensə İtaliyanın Neapol şəhərinin bələdiyyəsi tərəfindən mühüm bir jest ediləcək.

''Football-plus.az'' xəbər verir ki, iyunun 6-da belçikalı futbolçuya Neapolun fəxri vətəndaşı statusu veriləcək.

Əslində Neapolun bələdiyyə sədri Qaetano Manfredi bununla bağlı qərarı hələ 3 il öncə imzalayıb. Amma buna həsr olunmuş tədbir bir neçə dəfə təxirə salınıb. Mertensə fəxri vətəndaşlığın verilməsini aktiv dəstəkləyənlərdən biri olan Neapol Məclisinin üzvü Salvatore Flokko bunları deyib:

Mertens isə ''Belçikada doğulmuşam və hazırda Türkiyədə yaşayıram. Amma özümü neapollu kimi hiss edirəm'' açıqlamasını verib. 37 yaşlı yarımmüdafiəçi ''Napoli''də 2013-22-ci illərdə top qovub. O, bu komandada çempionluq sevinci yaşaya bilməsə də, iki dəfə ölkə kubokunu və bir dəfə ölkə superkubokunu qazanıb.

“Napoli'' məhz Mertens ayrıldığı ilk mövsümdə - 2022-23-də çempion olaraq böyük həsrətə son qoymuşdu. Bu klubda 397 rəsmi oyunda 148 qol, 90 məhsuldar ötürməlik mükəmməl performans sərgiləyən Mertens ''Napoli'' tarixinin ən məhsuldar oyunçusu statusundadı. Mertens ''Qalatasaray'' tarixində də özünə yer etməyi bacarıb. İlk iki mövsümündə Türkiyə çempionu olan təcrübəli futbolçu bu mövsüm də kolleksiyasını zənginləşdirməyə yaxındı.

İstanbul nəhəngində indiyə qədər 126 rəsmi oyunda aktivinə 24 qol, 41 məhsuldar ötürmə yazan Mertensin müqavilə müddəti mövsümün sonunda başa çatacaq. Onun yayda karyerasını bitirəcəyi güman edilir.

ƏLİ