''Qalatasaray''ın ötən yay heyətinə qatdığı və ''1+1'' illik müqavilə imzaladığı Dris Mertensin gələn mövsüm də komandada qalacağı indidən demək olar şübhə doğurmur.

Football-plus.az xəbər verir ki, təcrübəli belçikalı forvardın şərti müqaviləsinin qüvvəyə minməsi onun 25 rəsmi oyunda start heyətində meydanda çıxmasından asılıdı. 35 yaşlı futbolçu indiyə qədər 18-i superliqa, 1-i kubokda olmaqla 19 rəsmi oyunda ilk ''11-lik''də meydana çıxıb. Yəni ulduz futbolçunun şərti müqaviləsinin qüvvəyə minəcəyinə indidən heç bir şübhə yoxdu. Gələn mövsüm üçün də Mertens eynilə bu ilki kimi 2.9 milyon avro qazanacaq. Belçika yığmasının üzvü cari ''futbol ili''ndə 6 qol, 3 məhsuldar ötürməlik performans sərgiləyib. İkardi ilə əla anlaşan Mertens baş məşqçi Okan Burukun ən çox güvəndiyi oyunçulardandı. Yeni transfer Nikolo Zanyolonu cinahda oynatmağa hazırlaşan Buruk oyun qurucusu mövqeyində çıxış edən Mertensə start heyətində şans verməkdə davam edəcək.