İngiltərə premyer-liqasında yeni antirekord qeydə alınıb.

“Lester” bazar ertəsi 31-ci tur çərçivəsində öz meydanında “Nyukasl”a 0:3 hesabıyla uduzub. “Tülkülər” İngiltərə çempionatının yüksək liqasının tarixinə ardıcıl 8 ev oyununda qol vurmadan məğlub olan ilk komanda kimi düşüb.

Qeyd edək ki, Ruud van Nistelroyun komandası premyer-liqada son 18 matçda yalnız 2 qələbə qazanıb və 1 dəfə rəqibi ilə heç-heçə edib. “Lester” indi turnir cədvəlində 17 xalla 19-cu yeri tutur.