Səbri Sarıoğlu Türkiyənin U-19 yığmasının baş məşqçisi vəzifəsindən istefaya göndərilməsi ilə bağlı şayiələrə reaksiya verib.

Məsələ burasındadı ki, ötən həftə bu məşqçidən Türkiyə Futbol Federasiyasına şikayətlər daxil olmuşdu.

Bilindiyi kimi ''Trabzonspor''un U-19 komandası UEFA Gənclər Liqasında ötən həftə tarix yazaraq yarımfinala yüksəlmişdi. Qaradənizlilərin 1/4 finalda ''İnter''i məğlub etdiyi oyunda Səbrinin stadionda olmaması və oyunu izləməməsi birmənalı qarşılanmamışdı.

Bundan başqa ''Trabzonspor''un fikrincə, həmin bu tarix yazan komandadan yığmaya yetərli qədər futbolçu dəvət olunmur. ''Bordo-mavililər''dən başqa ''Beşiktaş'' da Sarıoğludan şikayət etmişdi. Belə ki, Türkiyənin U-19 liqasında bombardirlərdən biri olan ''Beşiktaş''lı Adnan Karahisar yığmanın son açıqlanan heyətinə dəvət almamışdı. Bütün bu məqamlar üzündən ötən həftə Türkiyə mətbuatında Səbri Sarıoğlunun TFF tərəfindən istefaya göndərildiyi haqda xəbərlər yayılmışdı. Amma 40 yaşlı mütəxəssis verdiyi qısa açıqlamada bu iddiaları təkzib edib:

Qeyd edək ki, ''Qalatasaray''ın yetirməsi olan və demək olar, bütün karyerasının bu kluba həsr edən Səbri məşqçi karyerasına 2023-də start verib.

Əvvəlcə bir il Türkiyənin U-18 yığmasını çalışdıran Sarıoğlu ötən ilin yayından U-19 yığmasının baş məşqçisi vəzifəsini icra edir.