''Fənərbaxça''nın Kiyev ''Dinamo''suna məğlub olmasının ardından Türkiyənin Çempionlar Liqasında bir təmsilçisi qaldı - ''Trabzonspor'. Amma ötən mövsüm 38 illik fasilədən sonra çempion olan Abdulla Avcının komandası, bilindiyi kimi, birbaşa ÇL-in qrup mərhələsində oynamayacaq. Trabzon təmsilçisi qrupa düşmək üçün pley-offda bir rəqibi keçməli olacaq. Həmin rəqibin adına avqustun 2-də keçiriləcək püşkatmadan sonra aydınlıq gələcək. Bu arada ''bordo-mavililər''in mümkün rəqibləri məlum olub. Komanda ya ''Kopenhagen''lə, ya da ''Ludoqorets'' - ''Dinamo'' (Z), ''Şerif'' - ''Viktoriya'' (P), ''Srvena Zvezda'' - ''Pünik'' cütünün qalibi ilə qarşılaşacaq. Xatırladaq ki, Türkiyə çempionu pley-offda uğursuzluğa düçar olsa, mübarizəni AL-in qrupunda davam etdirəcək.