“Real” yarımfinalın cavab görüşündə “Real Sosyedad”ın müqavimətini yalnız əlavə vaxtda qırdı. Halbuki madridlilərin ilk oyundakı qələbəsindən sonra heç kim baskların geridönüş edə biləcəyinə inanmırdı.

"Football-plus.az" xəbər verir ki, Barreneçea erkən qol vursa da, Enrike yarım saatın tamamında hesabı bərabərləşdirdi.

Yeri gəlmişkən, braziliyalı hücumçu “Real”ın tarixinə Kriştiano Ronaldodan sonra bir kubok mövsümündə ən azı 5 qol vuran ilk futbolçu kimi düşdü. Portuqaliyalı ulduz 2012/13 mövsümündə 7 dəfə fərqlənib. Son 20 dəqiqədə isə meydanda inanılmaz hadisələr baş verdi. Oyarsabal 80-ci dəqiqədə hesabı “Real Sosyedad”ın xeyrinə 3:1 etdi. Amma Bellingemlə Çuameni qısa zaman kəsiyində hesabı bərabərləşdirdi. Oyarsabal 3-cu uzatma dəqiqəsində komandasını bir daha irəli çıxardı. Belədə əlavə vaxt zərurətə çevrildi. Ançelottinin komandası overtaymda daha təravətli və inadkar göründü ki, bu da sonradan oyuna qoşulan Rüdigerin qolunda əksini tapdı.

Fakt
İki məhsuldar ötürmə verən Vinisius “Real”ın ölkə kubokunda bu göstəricidə rekordçusu oldu. 24 yaşlı braziliyalı vinger bu turnirdə keçirdiyi 25 oyunda 12 məhsuldar ötürmə verib. O, turnirin tarixində üçüncüdü. Məhsuldar ötürmələrin sayına görə rekordçu Messidi (27). 2-ci pillədə qərarlaşan Albanın hesabında isə 15 belə ötürmə var.

yarımfinal, cavab oyunları
Real – Real Sosyedad 4:4, əlavə vaxtda
Endrik, 30. Bellingem, 82. Çuameni, 86. Rüdiger, 115 – Barreneçea, 16. Alaba, 72-öz qapısına. Oyarsabal, 80; 90+3.
Real: Lunin, Vaskes (Modriç, 79), Asensio (Dias, 106), Alaba (Rüdiger, 91), Kamavinqa (F.Qarsiya, 91), Valverde, Çuameni, Rodriqo (Gülər, 106), Bellingem, Vinisius, Endrik (Mbappe, 66).
İlk oyun – 1:0.
Atletiko – Barselona 0:1
Torres, 27.
İlk oyun – 4:4.